കട്ടപ്പന: സ്കാർ ഫേസ് സ്പോർട്സ് ക്ലബിൻ്റെ ഓഫീസ് ഉദ്ഘാടനം ഫെബ്രുവരി 21ന് വൈകിട്ട് 4 മണിക്ക് നടക്കും.

കട്ടപ്പന ATS അരീനയ്ക്കു സമീപമുള്ള പുതിയ ഓഫീസിന്റെ ഉദ്ഘാടനം നഗരസഭ അധ്യക്ഷൻ ജോയി വെട്ടിക്കുഴി നിർവഹിക്കും. ചടങ്ങിൽ കേരള വ്യാപാരി വ്യവസായി ഏകോപന സമിതി യൂത്ത് വിംഗ് സംസ്ഥാന ജനറൽ സെക്രട്ടറി സിജോമോൻ ജോസ്, കായികതാരം ദേവപ്രിയ ഷൈബു, കായികാധ്യാപകൻ ടിബിൻ ജോസഫ് എന്നിവർ മുഖ്യാതിഥികളായി പങ്കെടുക്കും.

കഴിഞ്ഞ മൂന്ന് വർഷമായി കട്ടപ്പനയിലെ കായിക രംഗത്തിന്റെ വളർച്ചയ്ക്ക് ശ്രദ്ധേയമായ സംഭാവന നൽകുന്ന സ്കാർ ഫേസ് സ്പോർട്സ് ക്ലബ്, കലാ-കായിക മത്സരങ്ങളുടെ സംഘാടന മികവിലൂടെ ഇതിനകം തന്നെ നാട്ടിൽ ശ്രദ്ധ നേടിയിട്ടുണ്ട്.

ഉദ്ഘാടനത്തോടനുബന്ധിച്ച് ഫെബ്രുവരി 22ന് ലഹരിക്കെതിരായ സന്ദേശവുമായി രണ്ട് വിഭാഗങ്ങളിലായി ക്രിക്കറ്റ് ടൂർണമെന്റും സംഘടിപ്പിക്കും. ATS അരീനയിലാണ് മത്സരങ്ങൾ നടക്കുക.