സംസ്ഥാന സ്പോർട്സ് ഡയറക്ടറേറ്റ്യുടെ ആഭിമുഖ്യത്തിൽ സ്റ്റുഡന്റ് പോലീസ് കേഡറ്റ് (എസ്.പി.സി) ഡ്രിൽ ഇൻസ്‌ട്രക്ടർമാർക്കായി ഏകദിന പരിശീലന പരിപാടി സംഘടിപ്പിച്ചു. പൈനാവ് ഇ.എം.ആർ സ്കൂൾ ൽ നടന്ന പരിപാടിയുടെ ഉദ്ഘാടനം ഇടുക്കി ജില്ലാ പോലീസ് മേധാവി കെ.എം. സാബു മാത്യു ഐ.പി.എസ് നിർവഹിച്ചു.

സ്പോർട്സ് ഡയറക്ടറേറ്റ് പ്രതിനിധി ശ്രീമതി മീര ആർ. നായർ ചടങ്ങിൽ അധ്യക്ഷത വഹിച്ചു. എസ്.പി.സി അഡീഷണൽ ഡിസ്ട്രിക്ട് നോഡൽ ഓഫീസറായ സബ് ഇൻസ്‌പെക്ടർ സുരേഷ് ബാബു സ്വാഗതം ആശംസിച്ചു. ജില്ലയുടെ വിവിധ ഭാഗങ്ങളിൽ നിന്നായി നൂറോളം ഡ്രിൽ ഇൻസ്‌ട്രക്ടർമാർ പരിശീലനത്തിൽ പങ്കെടുത്തു.

കായികരംഗത്തെ നൂതന പ്രതിരോധമുറകൾ ഇൻസ്‌ട്രക്ടർമാർക്ക് പരിചയപ്പെടുത്തുന്നതിനായി കളരി, കരാട്ടെ, ബോക്സിങ്, തായ്‌കോണ്ടോ തുടങ്ങിയ ഇനങ്ങളിൽ വിദഗ്ധരായ പരിശീലകർ ക്ലാസുകൾ നയിച്ചു. കേഡറ്റുകൾക്ക് നൽകുന്ന ശാരീരിക പരിശീലനം കൂടുതൽ കാര്യക്ഷമമാക്കുക എന്ന ലക്ഷ്യത്തോടെയാണ് പരിശീലനം സംഘടിപ്പിച്ചത്.