കട്ടപ്പന സെലിബ്രിറ്റി ക്രിക്കറ്റ് ലീഗും കുളത്തുപുരയിടം മുന്ന മെമ്മോറിയല് വോളിബോള് ടൂര്ണമെന്റും ഇന്ന്
Reporter | Kerala Journal 
കട്ടപ്പനയിലെ കായികപ്രേമികള്ക്ക് ഇന്ന് ഉത്സവദിനം. കട്ടപ്പന സെലിബ്രിറ്റി ക്രിക്കറ്റ് ലീഗും കുളത്തുപുരയിടം മുന്ന മെമ്മോറിയല് വോളിബോള് ടൂര്ണമെന്റും ഇന്ന് വിവിധ വേദികളില് നടക്കും.
ATS അരീന കട്ടപ്പനയില് നടക്കുന്ന സെലിബ്രിറ്റി ക്രിക്കറ്റ് ലീഗില് രണ്ട് കാറ്റഗറികളിലായി രാവിലെ മുതല് മത്സരങ്ങള് ആരംഭിക്കും. വിവിധ ടീമുകള് പങ്കെടുക്കുന്ന മത്സരങ്ങള് ആവേശകരമാകുമെന്നാണ് സംഘാടകര് പ്രതീക്ഷിക്കുന്നത്.
മത്സരത്തിൻ്റെ ഉദ്ഘാടനം നഗര സഭ അധ്യക്ഷൻ ജോയി വെട്ടിക്കുഴി നിർവഹിക്കും
അതേസമയം വെള്ളയാംകുടിയില് നടക്കുന്ന കുളത്തുപുരയിടം മുന്ന മെമ്മോറിയല് വോളിബോള് ടൂര്ണമെന്റ് ഉച്ചകഴിഞ്ഞ് 2 മണിക്ക് ആരംഭിക്കും. ജില്ലയിലെ വിവിധ ടീമുകൾ മാറ്റുരയ്ക്കുന്ന മത്സര വിജയികൾക്ക് ഒന്നാം സമ്മാനമായി 10000 രൂപയും ട്രോഫിയും ലഭിക്കും.
