ഇടുക്കി ബ്ലോക്ക് പഞ്ചായത്ത് 2025-26 വാർഷിക പദ്ധതിയായ ജാഗ്രതൈ യുടെ ഭാഗമായി സംഘടിപ്പിച്ച ലഹരി വിരുദ്ധ സന്ദേശ മാരത്തോൺ ഇന്നലെ നടന്നു. വിദ്യാർത്ഥികളിൽ ലഹരിവിരുദ്ധ ബോധവൽക്കരണം ശക്തിപ്പെടുത്തുന്നതിനായാണ് പരിപാടി സംഘടിപ്പിച്ചത്.

വൈകിട്ട് 4 മണിക്ക് കരിമ്പൻ നിന്ന് ആരംഭിച്ച മാരത്തോൺ ചെറുതോണി വരെ നീണ്ടു. വിവിധ വിദ്യാഭ്യാസ സ്ഥാപനങ്ങളിലെ വിദ്യാർത്ഥികളും യുവജന സംഘടനകളും പൊതുജനങ്ങളും ആവേശത്തോടെ പങ്കെടുത്തു.

ജില്ലാ പോലീസ് മേധാവിയായ സാബു മാത്യു കെ.എം മാരത്തോണിന് ഫ്ലാഗ് ഓഫ് ചെയ്തു.

ബ്ലോക്ക് പഞ്ചായത്ത് പ്രസിഡന്റ് സാന്ദ്രാമോൾ ജിന്നി അധ്യക്ഷയായി.

പരിപാടിയുടെ സമാപനച്ചടങ്ങിൽ ജില്ലാ കളക്ടർ ദിനേശൻ ചെറുവോട്ട് വിജയികൾക്ക് സമ്മാനദാനം നിർവഹിച്ചു.

“JAGRATHA – Students Anti-Drug Campaign” എന്ന സന്ദേശം മുൻനിർത്തി സംഘടിപ്പിച്ച മാരത്തോൺ ലഹരി വിരുദ്ധ പോരാട്ടത്തിൽ യുവജനങ്ങളുടെ പങ്കാളിത്തം ശക്തിപ്പെടുത്തിയതായി സംഘാടകർ അറിയിച്ചു.