ശ്രീനാരായണ ഗുരു ഓപ്പണ്‍ സർവകലാശാലയും സംസ്ഥാന സാക്ഷരതാ മിഷൻ അതോറിറ്റിയും സംയുക്തമായി നടപ്പിലാക്കുന്ന ബിരുദ കോഴ്സുകളിലേക്കുള്ള ഫെബ്രുവരി സെക്ഷൻ രജിസ്‌ട്രേഷൻ ആരംഭിച്ചു. മാർച്ച് 3 വരെയാണ് രജിസ്‌ട്രേഷൻ കാലാവധി.

പ്ലസ് ടു അല്ലെങ്കിൽ ഹയർ സെക്കൻഡറി തുല്യതാ കോഴ്സ് പൂർത്തിയാക്കി ഉപരിപഠനത്തിന് യോഗ്യത നേടിയവർക്കും പൊതുവിഭാഗത്തിൽ ഉൾപ്പെട്ട ബിരുദ പഠനം ആഗ്രഹിക്കുന്നവർക്കും വിവിധ കോഴ്സുകളിലേക്ക് രജിസ്റ്റർ ചെയ്യാം. പ്രവേശനത്തിന് ഓൺലൈനായിട്ടാണ് അപേക്ഷിക്കേണ്ടത്. സർവകലാശാലയുടെ വെബ്സൈറ്റിൽ പഠിതാക്കൾക്ക് രജിസ്റ്റർ ചെയ്യാം.

ഫീസ് സംബന്ധിച്ച വിവരങ്ങൾ നൽകുമ്പോൾ Sponsor എന്ന ഓപ്ഷൻ തിരഞ്ഞെടുക്കുകയും അതിൽ KERALA STATE LITERACY MISSION AUTHORITY സെലക്ട് ചെയ്യുകയും വേണം. ഇങ്ങനെ രജിസ്റ്റർ ചെയ്യുന്നവർക്ക് മാത്രമേ സാക്ഷരതാ മിഷന്റെ ആനുകൂല്യങ്ങൾ ലഭ്യമാകൂ.

ഫീസ് ഇന്ത്യൻ ബാങ്കിന്റെ തിരുവനന്തപുരം വഞ്ചിയൂർ ശാഖയിലെ

DIRECTOR, KERALA STATE LITERACY MISSION AUTHORITY

A/C No: 8137805854

IFSC: IDIB000V133

എന്ന അക്കൗണ്ടിൽ അടച്ച ശേഷം, ഫീസ് അടച്ചതിന്റെ വിവരങ്ങൾ, അപേക്ഷാ ഫോറത്തിന്റെ പകർപ്പ്, സർട്ടിഫിക്കറ്റുകളുടെ പകർപ്പുകൾ എന്നിവ ജില്ലാ പഞ്ചായത്തിലെ സാക്ഷരതാ മിഷൻ ജില്ലാ ഓഫീസിൽ സമർപ്പിക്കണം.

കൂടുതൽ വിവരങ്ങൾക്ക്: 📞 04862-232294