ഏലം കൃഷിനാശത്തിന് ഒറ്റത്തവണ തീർപ്പാക്കൽ പദ്ധതിയായി തുക അനുവദിക്കും
Reporter | Kerala Journal 
ഇടുക്കി ജില്ലയിലെ ഏലം കൃഷിക്ക് ഉണ്ടായ നാശനഷ്ടങ്ങൾക്ക് നഷ്ടപരിഹാരം അനുവദിക്കാൻ മന്ത്രിസഭ തീരുമാനിച്ചു.
ഇടുക്കി ജില്ലയിൽ ഏലം കൃഷിനാശത്തിന് ഒറ്റത്തവണ തീർപ്പാക്കൽ പദ്ധതിയായി അഞ്ച് കോടി രൂപ അനുവദിക്കും. ഇടുക്കി പാക്കേജിന്റെ മാർഗരേഖയിൽ ഇളവ് നൽകിയാണ് ഈ തുക അനുവദിച്ചത്.
ഫണ്ട് അടിയന്തരമായി കൃഷിവകുപ്പിന് നൽകണമെന്ന വ്യവസ്ഥയിലാണ് മന്ത്രിസഭ അനുമതി നൽകിയിരിക്കുന്നത്.
ഇത് ഏലം കർഷകർ നേരിടുന്ന സാമ്പത്തിക പ്രതിസന്ധിക്ക് ആശ്വാസമാകുമെന്നാണ് പ്രതീക്ഷ.
