ഇടുക്കി: ഇടുക്കി രൂപത കെസിഎസ്എൽ സംഘടനയുടെ ഈ വർഷത്തെ മികച്ച സ്കൂളുകൾക്കുള്ള രൂപത അവാർഡുകൾ പ്രഖ്യാപിച്ചു.

ഹയർ സെക്കൻഡറി വിഭാഗം

സെന്റ് മേരീസ് എച്ച്.എസ്.എസ് മുരിക്കാശേരി, സെന്റ് ജെറോംസ് എച്ച്.എസ്.എസ് വെള്ളയാംകുടി, സെന്റ് ജോർജ് എച്ച്.എസ്.എസ് വാഴത്തോപ്പ് എന്നീ സ്കൂളുകൾ യഥാക്രമം ഒന്നാം, രണ്ടാം, മൂന്നാം സ്ഥാനങ്ങൾ നേടി.

സെന്റ് തോമസ് എച്ച്.എസ്.എസ് തങ്കമണി, സെന്റ് സേവ്യേഴ്സ് എച്ച്.എസ്.എസ് ചെമ്മണ്ണാർ എന്നിവ പ്രവർത്തന മികവിനുള്ള എ ഗ്രേഡും നേടി.

ഹൈസ്കൂൾ വിഭാഗം

ഇരട്ടയാർ സെന്റ് തോമസ് എച്ച്.എസ്.എസ്, വിമലഗിരി വിമല എച്ച്.എസ്, ചെമ്മണ്ണാർ സെന്റ് സേവ്യേഴ്സ് എച്ച്.എസ്.എസ് എന്നിവർ ഒന്നാം, രണ്ടാം, മൂന്നാം സ്ഥാനങ്ങൾ നേടി.

തങ്കമണി സെന്റ് തോമസ് എച്ച്.എസ്.എസ് എ ഗ്രേഡിന് അർഹമായി.

യു.പി വിഭാഗം

നെടുങ്കണ്ടം സെന്റ് സെബാസ്റ്റ്യൻസ് യു.പി സ്കൂൾ, മുരിക്കാശേരി സെന്റ് മേരീസ് യു.പി സ്കൂൾ, നാരകക്കാനം സെന്റ് ജോസഫ്സ് യു.പി സ്കൂൾ എന്നിവർ ഒന്നാം, രണ്ടാം, മൂന്നാം സ്ഥാനങ്ങൾ നേടി.

സെന്റ് ജോർജ് യു.പി സ്കൂൾ വാഴത്തോപ്പ്, ഹോളി ക്വീൻസ് യു.പി സ്കൂൾ രാജകുമാരി, സെന്റ് മേരീസ് യു.പി സ്കൂൾ മണിപ്പാറ, സെന്റ് ജോർജ് യു.പി സ്കൂൾ പാറത്തോട്, സെന്റ് മേരീസ് യു.പി സ്കൂൾ ഉദയഗിരി, സെന്റ് ജോസഫ്സ് യു.പി സ്കൂൾ പനംകുട്ടി എന്നിവ എ ഗ്രേഡും കരസ്ഥമാക്കി.

എൽ.പി വിഭാഗം

സെന്റ് ആന്റണീസ് എൽ.പി സ്കൂൾ എല്ലക്കൽ ഒന്നാം സ്ഥാനവും, സെന്റ് മേരീസ് എൽ.പി സ്കൂൾ മുരിക്കാശേരി രണ്ടാം സ്ഥാനവും, സെന്റ് ജോർജ് എൽ.പി സ്കൂൾ പാറത്തോട് മൂന്നാം സ്ഥാനവും നേടി.

സെന്റ് ജെറോംസ് എൽ.പി സ്കൂൾ വെള്ളയാംകുടി, ജയ്മാതാ എൽ.പി സ്കൂൾ എഴുകുംവയൽ, സെന്റ് തോമസ് എൽ.പി സ്കൂൾ തങ്കമണി, സെന്റ് മേരീസ് എൽ.പി സ്കൂൾ മരിയാപുരം, ക്രിസ്തുരാജ എൽ.പി സ്കൂൾ രാജമുടി, സെന്റ് പീറ്റേഴ്സ് എൽ.പി സ്കൂൾ ചെമ്പകപ്പാറ എന്നിവ പ്രവർത്തന മികവിനുള്ള എ ഗ്രേഡിന് അർഹരായി.

മികച്ച ആനിമേറ്റേഴ്സ്

ഈ വർഷത്തെ മികച്ച ആനിമേറ്റേഴ്സ് അവാർഡിന് ഉദയഗിരി സെന്റ് മേരീസ് യു.പി സ്കൂളിലെ സിസ്റ്റർ സോണിയ ഡി.എസ്.ടി.യും എഴുകുംവയൽ ജയ്മാതാ എൽ.പി സ്കൂളിലെ അഞ്ചു ടി. ചുമ്മാറും തെരഞ്ഞെടുക്കപ്പെട്ടു.

വിദ്യാർത്ഥികളുടെ സാമൂഹിക, ആധ്യാത്മിക, ജീവകാരുണ്യ, സേവന മേഖലകളിൽ മികച്ച പ്രവർത്തനങ്ങൾ നടത്തിയതിനാലാണ് ഇവർ അവാർഡിന് അർഹരായത്.

ഈ മാസം 21ന് ഇരട്ടയാർ സെന്റ് തോമസ് ഫൊറോന പാരീഷ് ഹാളിൽ നടക്കുന്ന ചടങ്ങിൽ ഇടുക്കി രൂപത മെത്രാൻ മാർ ജോൺ നെല്ലിക്കുന്നേൽ പുരസ്കാരങ്ങൾ വിതരണം ചെയ്യും.