സൂക്ഷ്മപരിശോധന പൂര്ത്തിയായി; കോട്ടയം ജില്ലയില് 16 പത്രികകള് തള്ളി
Reporter | Kerala Journal 
കോട്ടയം: നിയമസഭാ തെരഞ്ഞെടുപ്പിനോടനുബന്ധിച്ച് കോട്ടയം ജില്ലയിലെ ഒൻപത് നിയോജക മണ്ഡലങ്ങളിലെ നാമനിര്ദേശ പത്രികകളുടെ സൂക്ഷ്മപരിശോധന പൂര്ത്തിയായി. ചൊവ്വാഴ്ച അതത് വരണാധികാരികളുടെ നേതൃത്വത്തില് നടത്തിയ പരിശോധനയില് 14 സ്ഥാനാര്ഥികളുടേതായി 16 പത്രികകള് തള്ളപ്പെട്ടു.
ജില്ലയില് ആകെ സമര്പ്പിക്കപ്പെട്ടത് 120 നാമനിര്ദേശ പത്രികകളാണ്. നിലവില് 62 സ്ഥാനാര്ഥികളാണ് മത്സരത്തിനുള്ളത്.
മാര്ച്ച് 26 വ്യാഴാഴ്ച ഉച്ചകഴിഞ്ഞ് മൂന്ന് മണിവരെ പത്രികകള് പിന്വലിക്കാനുള്ള സമയം അനുവദിച്ചിട്ടുണ്ട്. സ്ഥാനാര്ഥികളും അവരുടെ ഏജന്റുമാരും സൂക്ഷ്മപരിശോധനയില് പങ്കെടുത്തു.
