ഉടുമ്പന്ചോല കുടുംബാരോഗ്യ കേന്ദ്രത്തില് ജീവനക്കാരിക്ക് മര്ദ്ദനം: രണ്ട് പേര് അറസ്റ്റില്
Reporter | Kerala Journal 
ഉടുമ്പന്ചോല കുടുംബാരോഗ്യ കേന്ദ്രത്തിലെ ജീവനക്കാരിയെ മര്ദ്ദിച്ച സംഭവത്തില് രണ്ട് പേര് പോലീസ് അറസ്റ്റ് ചെയ്തു. നെടുങ്കണ്ടം സ്വദേശികളായ കെ.കെ. സിബിന്, ജോസി മാത്യു എന്നിവരാണ് പിടിയിലായത്.
.jpg)
വെള്ളിയാഴ്ചയാണ് സംഭവം നടന്നത്. ആശുപത്രിയിലെത്തിയ ഇവര് ശുചീകരണ തൊഴിലാളികളായ ജീവനക്കാരോട് അസഭ്യം പറയുകയും അതിക്രമം നടത്തുകയും ചെയ്തു. ഇതില് ഒരു ജീവനക്കാരിക്ക് ഗുരുതരമായി പരുക്കേറ്റു. പരുക്കേറ്റ ജീവനക്കാരി ചികിത്സയിലാണ്.
സംഭവം കണ്ട നാട്ടുകാര് പ്രതികളെ തടഞ്ഞുവെച്ച് പോലീസിനെ വിവരം അറിയിച്ചു. തുടര്ന്ന് സ്ഥലത്തെത്തിയ പോലീസ് ഇരുവരെയും അറസ്റ്റ് ചെയ്തു.
