നിയമസഭാ തിരഞ്ഞെടുപ്പ്: സ്വീപ്പിന്റെ ഭാഗ്യചിഹ്നമായി ‘ചിന്നൻ’
Reporter | Kerala Journal 
ഇടുക്കി: നിയമസഭാ തിരഞ്ഞെടുപ്പിനോടനുബന്ധിച്ച് വോട്ടർമാരുടെ ബോധവത്കരണത്തിനായി നടത്തുന്ന സ്വീപ്പ് (Systematic Voters’ Education and Electoral Participation) പ്രവർത്തനങ്ങളുടെ ഭാഗമായി ഇടുക്കി ജില്ലയുടെ ഭാഗ്യചിഹ്നമായി ‘ചിന്നൻ’ എന്ന വരയാടിനെ തിരഞ്ഞെടുത്തു.
ജില്ലാ കളക്ടർ ഡോ. ദിനേശൻ ചെറുവാട്ട് ‘ചിന്നൻ’ ഉൾപ്പെടുത്തിയ പോസ്റ്റർ ഔദ്യോഗികമായി പ്രകാശനം ചെയ്തു. ഇടുക്കി ജില്ലയുടെ ഔദ്യോഗിക മൃഗമായ വരയാടിനെ ആസ്പദമാക്കിയാണ് ഭാഗ്യചിഹ്നം തെരഞ്ഞെടുത്തത്.
ഇലക്ഷൻ ഡെപ്യൂട്ടി കളക്ടർ ഷീബാ മാത്യൂ, എ.ഡി.എം എസ്. ശ്രീജിത്ത്, സ്വീപ്പ് കോ-ഓർഡിനേറ്റർ നിധി തോമസ് എന്നിവർ ചടങ്ങിൽ പങ്കെടുത്തു.
