സഹപാഠിയെ മർദിച്ച സംഭവം; വിദ്യാർഥി അറസ്റ്റിൽ
Reporter | Kerala Journal 
തങ്കമണിയിലെ സ്വകാര്യ സ്കൂളിൽ സഹപാഠിയെ സംഘം ചേർന്ന് മർദിച്ച സംഭവത്തിൽ ഒരു വിദ്യാർഥിയെ തങ്കമണി പൊലീസ് അറസ്റ്റ് ചെയ്തു. തങ്കമണി സ്വദേശിയായ അഖിൽ അനിൽകുമാർ (19) ആണ് അറസ്റ്റിലായത്.
വാക്കുതർക്കത്തെ തുടർന്നുണ്ടായ തർക്കത്തിനൊടുവിൽ മറ്റ് ചില വിദ്യാർഥികളോടൊപ്പം ചേർന്ന് സഹപാഠിയെ മർദിച്ചെന്നാണ് പരാതി. മർദനമേറ്റ വിദ്യാർഥിയുടെ മൊഴിയുടെ അടിസ്ഥാനത്തിൽ പൊലീസ് കേസെടുത്ത് അന്വേഷണം ആരംഭിക്കുകയായിരുന്നു.
തുടർനടപടികളുടെ ഭാഗമായി അഖിൽ അനിൽകുമാറിനെ അറസ്റ്റ് ചെയ്തതായി പൊലീസ് അറിയിച്ചു. സംഭവത്തിൽ മറ്റ് വിദ്യാർഥികളുടെ പങ്കും പൊലീസ് അന്വേഷിച്ചുവരികയാണ്.
