ഇടുക്കി മെഡിക്കൽ കോളേജിൽ ശുചിത്വ ക്യാമ്പയിനുമായി ഡിവൈഎഫ്ഐ
Reporter | Kerala Journal 
കട്ടപ്പന: ഇടുക്കി മെഡിക്കൽ കോളേജ് ആശുപത്രിയും പരിസര പ്രദേശങ്ങളും വൃത്തിയാക്കുന്നതിനായി ഡിവൈഎഫ്ഐ യൂത്ത് ബ്രിഗേഡിന്റെ നേതൃത്വത്തിൽ ഇന്ന് മെഗാ ശുചീകരണ യജ്ഞം സംഘടിപ്പിക്കുന്നു.
മുൻ സംസ്ഥാന വൈസ് പ്രസിഡന്റ് സി.വി. വർഗീസ് പരിപാടിയുടെ ഉദ്ഘാടനം നിർവഹിക്കും. ജില്ലാ സെക്രട്ടറി എസ്. സുധീഷ്, പ്രസിഡന്റ് ബി. അനൂപ് തുടങ്ങിയ പ്രമുഖ നേതാക്കൾ ചടങ്ങിൽ സംസാരിക്കും.
ആശുപത്രിയിലേക്കുള്ള പാതയോരങ്ങൾ, വിവിധ ബ്ലോക്കുകളുടെ പരിസരങ്ങൾ, വാർഡുകൾ എന്നിവ കേന്ദ്രീകരിച്ചാണ് ശുചീകരണ പ്രവർത്തനങ്ങൾ നടക്കുക. യൂണിറ്റ് തലം മുതൽ നൂറുകണക്കിന് ഡിവൈഎഫ്ഐ പ്രവർത്തകർ ഈ മെഗാ ശുചീകരണ ദൗത്യത്തിൽ പങ്കാളികളാകും.
