മയക്കുമരുന്ന് സംഘങ്ങളെ കുറിച്ച് വിവരം നൽകാൻ എക്സൈസ് വെബ് പോർട്ടൽ; ബുധനാഴ്ച മുതൽ പ്രവർത്തനം ആരംഭിക്കും
Reporter | Kerala Journal 
മയക്കുമരുന്ന് സംഘങ്ങളെക്കുറിച്ചുള്ള വിവരങ്ങൾ അജ്ഞാതനായിരുന്നുകൊണ്ട് നൽകാൻ കഴിയുന്ന എക്സൈസ് വകുപ്പിന്റെ വെബ് പോർട്ടൽ ബുധനാഴ്ച മുതൽ പ്രവർത്തനം ആരംഭിക്കുമെന്ന് എക്സൈസ് മന്ത്രി എം. ലിജു അറിയിച്ചു.
നിയമസഭയിലെ ധനാഭ്യർഥന ചർച്ചയ്ക്ക് മറുപടി പറയുകയായിരുന്നു മന്ത്രി. ലഹരിയിൽ നിന്ന് മോചനം ആഗ്രഹിക്കുന്നവർക്കായി കൗൺസലിംഗ് ഉൾപ്പെടെയുള്ള സഹായങ്ങൾ നൽകുമെന്നും അദ്ദേഹം വ്യക്തമാക്കി.
സർക്കാർ അധികാരത്തിലെത്തിയതിന് ശേഷം ഒരു മാസത്തിനുള്ളിൽ 14,722 ലഹരി സംബന്ധമായ കേസുകൾ രജിസ്റ്റർ ചെയ്തതായും ലഹരി വിരുദ്ധ പ്രവർത്തനങ്ങൾ ശക്തമായി തുടരുമെന്നും മന്ത്രി കൂട്ടിച്ചേർത്തു.
