മയക്കുമരുന്നിനെതിരെയും ശുചിത്വ ജീവിതത്തിനായും സന്ദേശം ഉയർത്തി വണ്ടിപ്പെരിയാർ ടൗണിൽ തൂഫാൻ ഗോൾപോസ്റ്റ് സ്ഥാപിച്ച് പെനാൽറ്റി കിക്ക് മത്സരം സംഘടിപ്പിച്ചു.

മയക്കുമരുന്ന് വിരുദ്ധ പ്രവർത്തനമായ ഓപ്പറേഷൻ തൂഫാനുമായി സഹകരിച്ച് സംഘടിപ്പിച്ച പരിപാടി വണ്ടിപ്പെരിയാർ ഗ്രാമപഞ്ചായത്ത് പ്രസിഡന്റ് ശാന്തി ഹരിദാസ് ഉദ്ഘാടനം ചെയ്തു.

ജില്ലാ പഞ്ചായത്ത് അംഗം മണിമേഖല, ഗ്രാമപഞ്ചായത്ത് വൈസ് പ്രസിഡന്റ് സുഭാഷ്, അഴുത ബ്ലോക്ക് പഞ്ചായത്ത് അംഗങ്ങളായ വനിത മുരുകൻ, ദേവി ഈശ്വരൻ, വണ്ടിപ്പെരിയാർ പഞ്ചായത്ത് സ്റ്റാൻഡിങ് കമ്മിറ്റി ചെയർപേഴ്സൺമാരായ സെൽവത്തായി, ലീലാമ്മ, പീരുമേട് എ.ഇ.ഒ രമേശ്, വണ്ടിപ്പെരിയാർ മുസ്ലിം ജമാഅത്ത് ഇമാം ഹബീബുള്ള മൗലവി അൽ മൻബഇ റഷാദി, അസംപ്ഷൻ പള്ളി അസിസ്റ്റന്റ് വികാരി ഫാ. നവീൻ, വ്യാപാരി വ്യവസായി ഏകോപന സമിതി പ്രസിഡന്റ് അൻപുരാജ്, കെ.വി.വി.എസ് സെക്രട്ടറി ജയകുമാർ തുടങ്ങിയവർ പങ്കെടുത്തു.

വ്യാപാരികളും പൊതുപ്രവർത്തകരും അധ്യാപകരും പി.ടി.എ അംഗങ്ങളും വിദ്യാർഥികളും ഉൾപ്പെടെ നിരവധി പേർ പരിപാടിയിൽ പങ്കെടുത്ത് നൂറോളം ഗോളുകൾ നേടി.

ഹെഡ്മാസ്റ്റർ എസ്.ടി. രാജിന്റെ നേതൃത്വത്തിലായിരുന്നു പരിപാടി സംഘടിപ്പിച്ചത്. മയക്കുമരുന്ന് വിരുദ്ധ ബോധവൽക്കരണത്തിനും ആരോഗ്യകരമായ ജീവിതശൈലിയുടെ പ്രചാരണത്തിനും പരിപാടി വഴിയൊരുക്കി.