രാജകുമാരി: രാജകുമാരി ലയൺസ് ക്ലബ്ബിന്റെ 2026–2027 വർഷത്തേക്കുള്ള പുതിയ ഭാരവാഹികളുടെ സ്ഥാനാരോഹണവും വിവിധ സേവന പദ്ധതികളുടെ ഉദ്ഘാടനവും നടന്നു. ലയൺസ് ഡിസ്ട്രിക്ട് ഗവർണർ ലയൺ ജയേഷ് വി. എസ്. പരിപാടി ഉദ്ഘാടനം ചെയ്തു.

പുതിയ ഭാരവാഹികളായി പ്രസിഡന്റ് ജെയ്സൺ മാണി ഒറ്റപ്ലാക്കൽ, സെക്രട്ടറി അഡ്വ. ഷിബിൻ ജോസ് ആനശ്ശേരിൽ, ട്രഷറർ സിജു പി. ജെ. പതിക്കൽ എന്നിവർ സ്ഥാനമേറ്റു.

ലയൺസ് ലേഡീസ് ഫോറത്തിന്റെ പുതിയ ഭാരവാഹികളായി പ്രസിഡന്റ് കുമാരി കുര്യാക്കോസ്, സെക്രട്ടറി ജിനി ഷാജി, ട്രഷറർ സുഷാ ഷിബിൻ എന്നിവരും ചുമതലയേറ്റു.

ചടങ്ങിന്റെ ഭാഗമായി വിദ്യാർത്ഥികൾക്ക് സ്കൂൾ ബാഗുകൾ വിതരണം ചെയ്തു. കൂടാതെ വൃക്ക മാറ്റിവയ്ക്കൽ ശസ്ത്രക്രിയയ്ക്ക് വിധേയനായ രോഗിക്ക് സാമ്പത്തിക സഹായവും കൈമാറി. ചടങ്ങിൽ ലയൺസ് ക്ലബ്ബ് അംഗങ്ങളും സാമൂഹിക-സാംസ്കാരിക രംഗത്തെ പ്രമുഖരും പങ്കെടുത്തു.