ഇടുക്കി: നീറ്റ്, സി.ബി.എസ്.ഇ പരീക്ഷാക്രമക്കേടിന്റെ ഉത്തരവാദിത്വം ഏറ്റെടുത്ത് കേന്ദ്ര വിദ്യാഭ്യാസമന്ത്രി ധർമേന്ദ്ര പ്രധാൻ രാജിവെച്ചത് സ്വാഗതാർഹമാണെങ്കിലും, പരീക്ഷാപ്പിഴവിന്റെ ആത്യന്തിക ഉത്തരവാദിത്വം പ്രധാനമന്ത്രി നരേന്ദ്ര മോദി ഏറ്റെടുക്കണമെന്ന് കെ.പി.സി.സി വൈസ് പ്രസിഡന്റ് റോയി കെ. പൗലോസ് എം.എൽ.എ ആവശ്യപ്പെട്ടു.

ഡി.സി.സി പ്രസിഡന്റ് സി.പി. മാത്യുവിന്റെ നേതൃത്വത്തിൽ ഗാന്ധി സ്ക്വയറിൽ സംഘടിപ്പിച്ച മെഴുകുതിരി റാലിയും സത്യഗ്രഹവും ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

മോദി സർക്കാരിന്റെ വീഴ്ചയുടെ തുടക്കം ധർമേന്ദ്ര പ്രധാൻ രാജിയോടെയാണെന്ന് ഡി.സി.സി പ്രസിഡന്റ് സി.പി. മാത്യു പറഞ്ഞു.

കെ.പി.സി.സി ജനറൽ സെക്രട്ടറി അഡ്വ. എസ്. അശോകൻ മുഖ്യപ്രഭാഷണം നടത്തി.

നേതാക്കളായ നിഷ സോമൻ, ജോയി തോമസ്, എ.പി. ഉസ്മാൻ, എം.കെ. പുരുഷോത്തമൻ, എം.ഡി. അർജുനൻ, കെ.ബി. സെൽവം, ജോസ് അഗസ്റ്റിൻ, ഇന്ദു സുധാകരൻ, പി.എ. അബ്ദുൾ റഷീദ്, ജയ്സൺ കെ. ആന്റണി, ജോർജ് തോമസ്, എം.എം. വർഗീസ്, ശാന്തി രമേശ്, എം.കെ. ഷാജഹാൻ, ജാഫർഖാൻ മുഹമ്മദ്, ടി.ജെ. പീറ്റർ, രാജു ഓടയ്ക്കൽ, റോബിൻ കാരയ്ക്കാട്, കെ. ദീപക്, ബിന്ദു സന്തോഷ് പണിക്കർ, മുഹമ്മദ് അൻഷാദ്, മനോജ് കോക്കാട, ടോണി തോമസ്, ടോമി പാലയ്ക്കൻ, കെ.ആർ. വിജയൻ, ജിപ്സി ജിമ്മി, കിങ്ങിണി രാജേന്ദ്രൻ എന്നിവർ സംസാരിച്ചു.