ഇടുക്കി: ഇടുക്കി ബ്ലോക്ക് പഞ്ചായത്ത് നടപ്പാക്കുന്ന കൊക്കോത്തൈ വിതരണ ധനസഹായ പദ്ധതിയായ 'ഹരിത സമൃദ്ധി' വെൺമണി എം.ജി. ഹാളിൽ ബ്ലോക്ക് പഞ്ചായത്ത് പ്രസിഡന്റ് സാന്ദ്രമോൾ ജിന്നി ഉദ്ഘാടനം ചെയ്തു.

കേന്ദ്ര കശുമാവ്-കൊക്കോ വികസന കാര്യാലയത്തിന്റെ ധനസഹായത്തോടെയാണ് പദ്ധതി നടപ്പാക്കുന്നത്. മേഖലയിലെ കർഷകർക്ക് കൊക്കോ കൃഷി പ്രോത്സാഹിപ്പിക്കുന്നതിന്റെ ഭാഗമായാണ് പദ്ധതി നടപ്പിലാക്കുന്നത്.

ഇടുക്കി ബ്ലോക്ക് പഞ്ചായത്ത് വൈസ് പ്രസിഡന്റ് എ.പി. ഉസ്മാൻ അധ്യക്ഷത വഹിച്ചു. ബ്ലോക്ക് പഞ്ചായത്ത് സെക്രട്ടറി ഷൗജാമോൾ പി. കോയ പദ്ധതി വിശദീകരണം നടത്തി.

ബ്ലോക്ക് പഞ്ചായത്ത് അംഗങ്ങളായ കെ.കെ. അജിത്ത്കുമാർ, ബിജു നിള, ടെസി ജോസഫ്, പഞ്ചായത്ത് അംഗം ജീൻസ് ജോർജ് എന്നിവർ ചടങ്ങിൽ സംസാരിച്ചു.