ഇടുക്കി: ഏലത്തോട്ട ഭൂമിയുമായി ബന്ധപ്പെട്ട് വനം വകുപ്പുമായുള്ള തർക്കങ്ങൾ പരിഹരിക്കാൻ സംസ്ഥാന സർക്കാർ നേരിട്ട് ഇടപെടുമെന്ന് റവന്യൂ മന്ത്രി എ.പി. അനിൽകുമാർ അറിയിച്ചു. ഇടുക്കി പുളിയൻമലയിൽ സംഘടിപ്പിച്ച പരിപാടി ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി.

ഏലം മേഖലയിലെ കർഷകർ ഏറെക്കാലമായി നേരിടുന്ന പ്രശ്നങ്ങൾ പരിഹരിക്കുമെന്ന സർക്കാർ പ്രഖ്യാപനം പ്രാവർത്തികമാക്കുമെന്നും അദ്ദേഹം വ്യക്തമാക്കി. കർഷകരുടെ ആശങ്കകൾ പരിഹരിക്കുന്നതിനും ഭൂമിയുമായി ബന്ധപ്പെട്ട തർക്കങ്ങൾക്ക് ശാശ്വത പരിഹാരം കണ്ടെത്തുന്നതിനുമായി ആവശ്യമായ നടപടികൾ സർക്കാർ സ്വീകരിക്കുമെന്നും മന്ത്രി പറഞ്ഞു.

നിലവിൽ കൃഷി ചെയ്യുന്ന വിളകൾക്ക് പുറമെ വിദേശ പഴവർഗങ്ങൾ ഉൾപ്പെടെയുള്ള മറ്റ് കൃഷികൾക്കും അനുമതി നൽകുന്ന കാര്യം സർക്കാർ പരിശോധിച്ചുവരികയാണെന്നും മന്ത്രി അറിയിച്ചു. കർഷകരുടെ വരുമാനം വർധിപ്പിക്കുന്നതിനും കാർഷിക മേഖലയുടെ വികസനത്തിനും സഹായകമാകുന്ന തീരുമാനങ്ങളാണ് സർക്കാർ ലക്ഷ്യമിടുന്നതെന്നും അദ്ദേഹം കൂട്ടിച്ചേർത്തു.