വണ്ടൻമേട്: തൊഴിലിടങ്ങളിൽ ദേശീയ പ്രസ്ഥാനങ്ങളുടെ പ്രസക്തി വർധിച്ചതായി ബി.എം.എസ് സംസ്ഥാന സെക്രട്ടറി കെ.വി. മധുകുമാർ പറഞ്ഞു. ഭാരതീയ മസ്ദൂർ സംഘം (ബി.എം.എസ്) കുമളി മേഖലാ സമ്മേളനം വണ്ടൻമേട്ടിൽ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

മേഖല പ്രസിഡന്റ് എസ്.കെ. കറുപ്പുസ്വാമി അധ്യക്ഷത വഹിച്ചു. ബി.എം.എസ് ജില്ലാ പ്രസിഡന്റ് എം.പി. റെജികുമാർ, ജില്ലാ സെക്രട്ടറി കെ.സി. സിനീഷ്‌കുമാർ, ജില്ലാ വൈസ് പ്രസിഡന്റ് എസ്.ജി. മഹേഷ്, സംസ്ഥാന സമിതിയംഗം ബി. വിജയൻ, ജില്ലാ സമിതിയംഗം പി. ഭുവനേന്ദ്രൻ എന്നിവർ സംസാരിച്ചു.

സമ്മേളനത്തിൽ ഭാരതീയ മസ്ദൂർ സംഘം കുമളി മേഖലാ പ്രസിഡന്റായി എസ്.കെ. കറുപ്പുസ്വാമിയെയും, സെക്രട്ടറിയായി കെ.കെ. സനുവിനെയും, ട്രഷററായി കെ.കെ. സതീഷ്‌കുമാറിനെയും തെരഞ്ഞെടുത്തു. ഇവരടങ്ങുന്ന 21 അംഗ മേഖലാ കമ്മിറ്റിക്കും സമ്മേളനം രൂപം നൽകി.