എഴുകുംവയൽ: ശിൽപശാല ലൈബ്രറി, ആർട്സ് ആൻഡ് സ്പോർട്സ് ക്ലബ്ബിന്റെ നേതൃത്വത്തിൽ ആറാമത് അഖിലകേരള വടംവലി മത്സരം ഒക്ടോബർ 25-ന് (ഞായറാഴ്ച) വൈകിട്ട് 5 മണിക്ക് എഴുകുംവയൽ നിത്യസഹായ മാതാ ദേവാലയ തിരുമുറ്റത്ത് പ്രത്യേകം തയ്യാറാക്കിയ സ്ലാബ് കോർട്ടിൽ നടക്കും.

450 കിലോഗ്രാം വിഭാഗത്തിലാണ് മത്സരം സംഘടിപ്പിക്കുന്നത്.

വിജയികൾക്ക് ആകർഷകമായ സമ്മാനത്തുകയും ഒരുക്കിയിട്ടുണ്ട്. ഒന്നാം സമ്മാനമായി ₹25,000, രണ്ടാം സമ്മാനമായി ₹20,000, മൂന്നാം സമ്മാനമായി ₹15,000, നാലാം സമ്മാനമായി ₹12,000 എന്നിവ ലഭിക്കും. അഞ്ചാം മുതൽ എട്ടാം സ്ഥാനം വരെ നേടുന്ന ടീമുകൾക്ക് ₹10,000 വീതവും ഒമ്പതാം മുതൽ പതിനാറാം സ്ഥാനം വരെ എത്തുന്ന ടീമുകൾക്ക് ₹5,000 വീതവും സമ്മാനമായി നൽകും.

മത്സരത്തിൽ പങ്കെടുക്കാൻ താൽപര്യമുള്ള ടീമുകൾ കൂടുതൽ വിവരങ്ങൾക്ക് 99470 74530, 97476 45488 എന്നീ നമ്പറുകളിൽ ബന്ധപ്പെടണമെന്ന് സംഘാടകർ അറിയിച്ചു.