വെൺമണിയിൽ ലോറി നിയന്ത്രണം വിട്ടു മറിഞ്ഞു; ആളപായമില്ല
Reporter | Kerala Journal 
ഇടുക്കി വെൺമണിയിൽ നിന്ന് മുള്ളരിങ്ങാട് അമ്പഴ്ത്തറ കവലയിലേക്കുള്ള വഴിയിൽ രാവിലെ തമിഴ്നാട്ടിൽ നിന്നെത്തിയ ലോറി അപകടത്തിൽപ്പെട്ടു. വെൺമണിയിൽ നിന്ന് വഴി തിരിഞ്ഞ് വീതി കുറഞ്ഞതും കുത്തനെയുള്ള ഇറക്കവുമായ റോഡിലൂടെ എത്തിയ ലോറി നിയന്ത്രണം വിട്ട് ട്രാൻസ്ഫോർമറും വൈദ്യുതി പോസ്റ്റുകളും ഇടിച്ചുതകർത്ത ശേഷം താഴ്ചയിലേക്ക് മറിയുകയായിരുന്നു.
വഴി പരിചയമില്ലാതെ കുത്തനെ ഇറക്കമുള്ള റോഡിലൂടെ എത്തിയതാണ് അപകടത്തിന് കാരണമെന്ന് പ്രാഥമിക നിഗമനം. അപകടത്തിൽ ആളപായമോ പരിക്കുകളോ റിപ്പോർട്ട് ചെയ്തിട്ടില്ല.
അപകടത്തെ തുടർന്ന് റോഡിൽ ഉണ്ടായിരുന്ന തടസ്സങ്ങൾ നീക്കം ചെയ്തിട്ടുണ്ട്
