കട്ടപ്പന: ഹിപ്നോട്ടിസം, മെന്റലിസം മേഖലകളിൽ ശ്രദ്ധേയമായ നേട്ടം കൈവരിച്ച് കട്ടപ്പന സ്വദേശിയായ അജേഷ് വർഗീസിന് അന്തർദേശീയ അംഗീകാരം. World Wide Book of Records അംഗീകരിച്ച രണ്ട് വേൾഡ് റെക്കോർഡ് ഇവന്റുകളിലാണ് അദ്ദേഹം പങ്കാളിയായി ശ്രദ്ധേയ പ്രകടനം കാഴ്ചവെച്ചത്.

Pathmia Hypnosis & Mentalism International Academy സംഘടിപ്പിച്ച റെക്കോർഡ് പരിപാടികളിൽ Hypnotic Glove Anaesthesia, Arm Catalepsy സാങ്കേതികവിദ്യകൾ ഉപയോഗിച്ചുള്ള Flame Touch Demonstration വിജയകരമായി അവതരിപ്പിച്ച ഇവന്റിലും, Telekinesis Mentalism Magic Tricks അവതരിപ്പിക്കുകയും Handcuff Puzzle നിശ്ചിത ക്രമത്തിൽ പൂർത്തിയാക്കുകയും ചെയ്ത മറ്റൊരു റെക്കോർഡ് ഇവന്റിലും അജേഷ് വർഗീസ് പങ്കെടുത്തു.

ഇരു പരിപാടികളും World Wide Book of Records ഔദ്യോഗികമായി അംഗീകരിച്ചതോടെ അജേഷ് വർഗീസിന് ഇരട്ട അന്തർദേശീയ വേൾഡ് റെക്കോർഡ് അംഗീകാരം ലഭിച്ചു.

അംഗീകാരത്തിൽ സന്തോഷം പ്രകടിപ്പിച്ച അജേഷ് വർഗീസ്, ഈ നേട്ടത്തിന് പിന്തുണ നൽകിയ ഗുരുക്കന്മാർക്കും കുടുംബാംഗങ്ങൾക്കും സുഹൃത്തുകൾക്കും വിദ്യാർത്ഥികൾക്കും നന്ദി അറിയിച്ചു. ഹിപ്നോട്ടിസവും മെന്റലിസവും ശാസ്ത്രീയവും ഉത്തരവാദിത്തപരവുമായി കൂടുതൽ ജനങ്ങളിലേക്ക് എത്തിക്കുന്നതിനായി സ്റ്റേജ് ഷോകൾ, പരിശീലന പരിപാടികൾ, ബോധവൽക്കരണ പ്രവർത്തനങ്ങൾ എന്നിവ തുടരുമെന്നും അദ്ദേഹം വ്യക്തമാക്കി.