ഓടുന്ന ബൈക്കിന് മുകളിലേക്ക് വൈദ്യുതി ലൈൻ പൊട്ടിവീണു; കട്ടപ്പനയിൽ യുവാവ് അത്ഭുതകരമായി രക്ഷപ്പെട്ടു
Reporter | Kerala Journal 
കട്ടപ്പന: ഓട്ടത്തിനിടെ ബൈക്ക് യാത്രികന്റെ ദേഹത്തേക്ക് വൈദ്യുതി ലൈൻ പൊട്ടിവീണു. ബൈക്ക് നിയന്ത്രണംവിട്ട് മറിഞ്ഞെങ്കിലും കട്ടപ്പന സ്വദേശിയായ യുവാവ് അത്ഭുതകരമായി പരിക്കേൽക്കാതെ രക്ഷപ്പെട്ടു.
ഇന്നലെ വൈകിട്ട് 5.45ഓടെയാണ് കട്ടപ്പന ഗവ. കോളേജ് റോഡിൽ സംഭവം നടന്നത്. വൈദ്യുതി കമ്പി ബൈക്കിന് മുകളിലേക്ക് വീണതോടെ ബൈക്ക് നിയന്ത്രണം നഷ്ടമായി മറിഞ്ഞു.
സംഭവം ശ്രദ്ധയിൽപ്പെട്ട ഉടൻ കെ.എസ്.ഇ.ബി ഓഫീസിൽ വിവരം അറിയിച്ചതിനെ തുടർന്ന് അധികൃതർ ഈ റൂട്ടിലെ വൈദ്യുതി വിതരണം അടിയന്തരമായി വിച്ഛേദിച്ചു. തുടർന്ന് കെ.എസ്.ഇ.ബി ജീവനക്കാർ സ്ഥലത്തെത്തി ബൈക്കിൽ ചുറ്റിക്കിടന്ന വൈദ്യുതി കമ്പി സുരക്ഷിതമായി നീക്കം ചെയ്തു.വലിയ ദുരന്തമാണ് തലനാരിഴയ്ക്ക് ഒഴിവായത്.
