തൊടുപുഴ: ഫെഡറൽ ബാങ്കിന്റെ സി.എസ്.ആർ ഫണ്ടിൽ ഉൾപ്പെടുത്തി എട്ടര ലക്ഷം രൂപ ചെലവിൽ ഡയാലിസിസ് യൂണിറ്റ് മുതലക്കോടം ഹോളി ഫാമിലി ആശുപത്രിക്ക് സംഭാവന ചെയ്തു.

രോഗികൾക്ക് കൂടുതൽ മികച്ച ചികിത്സാ സൗകര്യങ്ങൾ ഒരുക്കുന്നതിന്റെ ഭാഗമായാണ് ഡയാലിസിസ് യൂണിറ്റ് കൈമാറിയത്.

ചടങ്ങിൽ ഫെഡറൽ ബാങ്ക് റീജിയണൽ ഹെഡ് ജെബിൻ കെ. ജോസ്, ഫെഡറൽ ബാങ്ക് സോണൽ ഓഫീസിൽനിന്നുള്ള സി. ലെസിൻ, മങ്ങാട്ടുകവല ബ്രാഞ്ച് ഹെഡ് സുബിൻ സണ്ണി, തൊടുപുഴ, വെങ്ങല്ലൂർ, വെസ്റ്റ്, ടൗൺ മേഖലയിലെ ഫെഡറൽ ബാങ്ക് പ്രതിനിധികൾ, ആശുപത്രി അഡ്മിനിസ്ട്രേറ്റർ സി. മേരി ആലപ്പാട്ട് എന്നിവർ പങ്കെടുത്തു.

പുതിയ ഡയാലിസിസ് യൂണിറ്റ് പ്രവർത്തനസജ്ജമാകുന്നതോടെ വൃക്കരോഗികൾക്ക് ചികിത്സ കൂടുതൽ എളുപ്പത്തിൽ ലഭ്യമാക്കാൻ സാധിക്കുമെന്ന് ആശുപത്രി അധികൃതർ അറിയിച്ചു.