സിപിഐയുടെ നേതൃത്വത്തിൽ സെപ്റ്റംബർ ഒന്നിന് ഡൽഹി രാംലീല മൈതാനത്ത് കേന്ദ്രസർക്കാരിനെതിരെ നടത്തുന്ന ‘ഡൽഹി ചലോ’ പ്രക്ഷോഭത്തിന്റെ പ്രചാരണാർഥം സേനാപതി, മുക്കുടിൽ ലോക്കൽ കമ്മിറ്റികളുടെ നേതൃത്വത്തിൽ രാഷ്ട്രീയ കാൽനട ജാഥകൾ ആരംഭിച്ചു.

മാങ്ങാത്തൊട്ടിയിൽ നടന്ന സമാപന സമ്മേളനം സിപിഐ ജില്ലാ സെക്രട്ടറി കെ. സലിംകുമാർ ഉദ്ഘാടനം ചെയ്തു. പി.ബി. മോഹനൻ അധ്യക്ഷത വഹിച്ചു. സംഘാടക സമിതി കൺവീനർ സി.ജെ. ചാക്കോ, സി.യു. ജോയി, പ്രിൻസ് മാത്യു, പി.എസ്. സനൽ, വിനോദ് എന്നിവർ സംസാരിച്ചു.

സേനാപതി ജാഥ: പി.എസ്. ഗിരീഷ് ക്യാപ്റ്റനും എം.ജെ. ഷാജി, വിനീത് ചാക്കോ എന്നിവർ വൈസ് ക്യാപ്റ്റന്മാരും ആന്റോ തോമസ് ഡയറക്ടറുമാണ്. ജാഥയുടെ ഉദ്ഘാടനം സി.യു. ജോയി നിർവഹിച്ചു.

മുക്കുടിൽ ജാഥ: പി.സി. മനോജ് ക്യാപ്റ്റനും ജെസി സാമുവൽ, പി.ടി. ജോണി എന്നിവർ വൈസ് ക്യാപ്റ്റന്മാരും എം.ആർ. വിജയകുമാർ ഡയറക്ടറുമാണ്. ജാഥയുടെ ഉദ്ഘാടനം പ്രിൻസ് മാത്യു നിർവഹിച്ചു.