ഇടുക്കി ജില്ലാ ശിശുസംരക്ഷണ യൂണിറ്റ് ഓഫീസിന്റെ സീലിംഗ് വീണ്ടും തകർന്നു വീണു
Reporter | Kerala Journal 
ഇടുക്കി: ജില്ലാ ശിശുസംരക്ഷണ യൂണിറ്റ് ഓഫീസിന്റെ കെട്ടിടത്തിലെ സീലിംഗിന്റെ കൂടുതൽ ഭാഗം തകർന്നുവീണു. ഇന്ന് രാവിലെയാണ് അപകടമുണ്ടായത്.
കഴിഞ്ഞ ദിവസവും ഇതേ കെട്ടിടത്തിന്റെ സീലിംഗിന്റെ ഒരു ഭാഗം തകർന്നുവീണിരുന്നു. തുടർന്ന് ജീവനക്കാർ ജോലിക്കായി ഓഫീസിലെത്തിയപ്പോഴാണ് സീലിംഗിന്റെ കൂടുതൽ ഭാഗം ഇടിഞ്ഞുവീണ നിലയിൽ കണ്ടെത്തിയത്.
അപകടസമയത്ത് കെട്ടിടത്തിനുള്ളിൽ ആളുകളില്ലാതിരുന്നതിനാൽ വൻ ദുരന്തം ഒഴിവായി. കെട്ടിടം അപകടാവസ്ഥയിലാണെന്നും ഓഫീസ് അടിയന്തരമായി സുരക്ഷിതമായ മറ്റൊരു കെട്ടിടത്തിലേക്ക് മാറ്റി സ്ഥാപിക്കണമെന്നും ജീവനക്കാരുടെ സുരക്ഷ ഉറപ്പാക്കാൻ അധികൃതർ അടിയന്തര നടപടി സ്വീകരിക്കണമെന്നും ആവശ്യം ശക്തമാണ്.
