കോട്ടയം: ഓണവിപണിയെ സജീവമാക്കുന്നതിന്റെ ഭാഗമായി സപ്ലൈകോയുടെ ഓണം മേളയ്ക്ക് കോട്ടയത്ത് തുടക്കമായി. ഓണാഘോഷങ്ങൾക്ക് വിപുലമായ ഒരുക്കങ്ങളാണ് ഇത്തവണ നടത്തിയിരിക്കുന്നതെന്ന് മേള ഉദ്ഘാടനം ചെയ്ത് നിയമസഭാ സ്പീക്കർ തിരുവഞ്ചൂർ രാധാകൃഷ്ണൻ പറഞ്ഞു.

പ്രളയബാധിതരെയും ചേർത്തുനിർത്തിയാകും ഇത്തവണത്തെ ഓണാഘോഷങ്ങൾ സംഘടിപ്പിക്കുകയെന്നും അദ്ദേഹം പറഞ്ഞു. എല്ലാവർക്കും ആശ്വാസവും സന്തോഷവും പകരുന്ന രീതിയിലുള്ള ഓണാഘോഷമാണ് ലക്ഷ്യമെന്നും സ്പീക്കർ വ്യക്തമാക്കി.

നാട്ടകം സുരേഷ് എംഎൽഎ അധ്യക്ഷത വഹിച്ച ചടങ്ങിൽ കോട്ടയം നഗരസഭ വികസനകാര്യ സമിതി അധ്യക്ഷൻ എസ്. ഗോപകുമാർ, സപ്ലൈകോ മേഖലാ മാനേജർ എം. ജയപ്രകാശ്, ജില്ലാ സപ്ലൈ ഓഫീസർ വി. സുരേഷ്, ബാബു കപ്പക്കാല, ടോമി വേദഗിരി, ടി.സി. അരുൺ തുടങ്ങിയവർ സംസാരിച്ചു.