നെടുങ്കണ്ടം: ഗ്രാമപഞ്ചായത്ത് 21-ാം വാർഡിൽ കഴിഞ്ഞ മൂന്ന് വർഷക്കാലം ജൂനിയർ ഹെൽത്ത് ഇൻസ്പെക്ടറായി സേവനമനുഷ്ഠിച്ച ജിജി ജോർജിന് സ്ഥലംമാറ്റത്തെ തുടർന്ന് യാത്രയയപ്പ് നൽകി.

വാർഡ് മെമ്പർ ജോണി പുതിയാപറമ്പിലിന്റെ നേതൃത്വത്തിൽ സംഘടിപ്പിച്ച യാത്രയയപ്പ് സമ്മേളനത്തിൽ അഗ്രികൾച്ചറൽ ബാങ്ക് പ്രസിഡന്റ് സാബു മാലിയിൽ, റൂറൽ ലൈബ്രറി പ്രസിഡന്റ് ഷെബിൻ തേനമാക്കൽ, മർച്ചന്റ്സ് അസോസിയേഷൻ പ്രസിഡന്റ് കുഞ്ഞമ്മച്ചൻ പാറത്തറ, എ.ഡി.എസ് സെക്രട്ടറി ഷീബ ഐക്കര, വാർഡ് കൺവീനർ ബിജു പെരുമനങ്ങാട്ട്, സി.ഡി.എസ് മെമ്പർ സിമി സാബു, സായംപ്രഭ വൈസ് പ്രസിഡന്റ് മോളി പുറത്തെമഠം, ആശാ പ്രവർത്തകരായ ഷീബ പറയാങ്കൽ, ബിന്ദു രാജൻ എന്നിവർ ആശംസകൾ നേർന്നു.

എഴുകുംവയലിന്റെ സ്നേഹോപഹാരം വാർഡ് മെമ്പർ ജോണി പുതിയാപറമ്പിൽ ജിജി ജോർജിന് കൈമാറി. സായംപ്രഭ കെയർഗീവർ ലേഖ നന്ദി രേഖപ്പെടുത്തി.