ഇടുക്കി: അഞ്ചാമത് ആൾ കേരള ഇൻവിറ്റേഷൻ മാസ്റ്റേഴ്സ് അക്വാട്ടിക് കോമ്പറ്റീഷൻ ഓഗസ്റ്റ് 16ന് വണ്ടൻമേട് അക്വാട്ടിക് സെന്ററിൽ നടക്കും.

കേരള അക്വാട്ടിക് അസോസിയേഷൻ ഭാരവാഹികളായിരുന്ന പരേതരായ കെ. ബാബു, ടി.വി. പങ്കജാക്ഷൻ, അന്തർദേശീയ നീന്തൽ താരമായിരുന്ന വി.ഡി. ശ്രീവിശാഖ് എന്നിവരുടെ സ്മരണാർഥം ഏർപ്പെടുത്തിയ എവർ റോളിംഗ് ട്രോഫികൾക്കായാണ് മത്സരം സംഘടിപ്പിക്കുന്നത്.

കര, നാവിക, വ്യോമ സേനകളിൽ നിന്ന് വിരമിച്ച വിമുക്തഭടന്മാർ, സംസ്ഥാന-കേന്ദ്ര സർക്കാർ സർവീസിൽ നിന്ന് വിരമിച്ച ദേശീയ-അന്തർദേശീയ നീന്തൽ താരങ്ങൾ, സിവിൽ സർവീസ് നീന്തൽ താരങ്ങൾ എന്നിവരോടൊപ്പം സംസ്ഥാനത്തിന്റെ വിവിധ ഭാഗങ്ങളിൽ നിന്നുള്ള നീന്തൽ താരങ്ങളും മത്സരത്തിൽ പങ്കെടുക്കും.

നൂറോളം താരങ്ങൾ പങ്കെടുക്കുന്ന മത്സരം രാവിലെ ഒമ്പതിന് ആരംഭിച്ച് വൈകിട്ട് നാലിന് സമാപിക്കും.