ഗുരുജയന്തി–തിരുവോണാഘോഷങ്ങൾക്ക് എസ്.എൻ.ഡി.പി യോഗം മലനാട് യൂണിയനിൽ തുടക്കമായി
Reporter | Kerala Journal 
കട്ടപ്പന: ശ്രീനാരായണ ഗുരുദേവന്റെ 172-ാമത് ജയന്തിയോടനുബന്ധിച്ചുള്ള ഗുരുജയന്തി–തിരുവോണാഘോഷങ്ങൾക്ക് എസ്.എൻ.ഡി.പി യോഗം മലനാട് യൂണിയനിൽ തുടക്കമായി.
ജയന്തി ദിനത്തെ വരവേൽക്കുന്നതിന്റെ ഭാഗമായി യൂണിയനിലെ 40 ശാഖകളിലെ പ്രവർത്തകരുടെ സമ്മേളനം സംഘടിപ്പിച്ചു. വിവിധ ശാഖകളിൽ നിന്നായി 200ഓളം പ്രവർത്തകർ സമ്മേളനത്തിൽ പങ്കെടുത്തു.
യൂണിയൻ പ്രസിഡന്റ് ബിജു മാധവൻ ആഘോഷ പരിപാടികൾ ഉദ്ഘാടനം ചെയ്തു. യൂണിയൻ സെക്രട്ടറി വിനോദ് ഉത്തമൻ അധ്യക്ഷത വഹിച്ചു.
സുനിൽകുമാർ പടിയിറമ്മാവിൽ, ഷാജി പള്ളോലിൽ, മനോജ് അപ്പന്താനം, പി.ആർ. രതീഷ്, കെ.കെ. രാജേഷ്, സുധീഷ് വിജയൻ, ഷിജോ കൊഴിഞ്ഞുതാഴെ എന്നിവർ പങ്കെടുത്തു.
.jpg)
