കേരള സർക്കാർ കാർഷിക വികസന കർഷകക്ഷേമ വകുപ്പിന്റെയും തലപ്പലം ഗ്രാമപഞ്ചായത്ത് കൃഷിഭവന്റെയും സംയുക്താഭിമുഖ്യത്തിൽ സംഘടിപ്പിച്ച 2026ലെ കാർഷിക ദിനാചരണത്തിൽ ടീം റെസ്ക്യൂ ഫോഴ്സ് കേരളയ്ക്ക് പ്രത്യേക സ്നേഹാദരവ്.

നാടിനെ നടുക്കിയ പ്രളയദുരന്തത്തിന്റെ ഘട്ടത്തിൽ സ്വന്തം ജീവൻ പോലും തൃണവൽഗണിച്ച് രക്ഷാപ്രവർത്തനങ്ങളിലും ജീവകാരുണ്യ പ്രവർത്തനങ്ങളിലും സജീവമായി പങ്കാളികളായതിനാണ് സംഘടനയെ ആദരിച്ചത്.

ഈരാറ്റുപേട്ട ബ്ലോക്ക് പഞ്ചായത്ത് പ്രസിഡന്റ് ജോയ് സ്‌കറിയ, ബ്ലോക്ക് പഞ്ചായത്ത് മെമ്പർ പ്രേംജി ആർ, തലപ്പലം ഗ്രാമപഞ്ചായത്ത് പ്രസിഡന്റ് ജോമി ബെന്നി എന്നിവരിൽ നിന്ന് ടീം റെസ്ക്യൂ ഫോഴ്സ് കേരളയെ പ്രതിനിധീകരിച്ച് രക്ഷാധികാരി ഡിജു സെബാസ്റ്റ്യൻ, പ്രസിഡന്റ് നൗഷാദ് വെള്ളൂപ്പറമ്പിൽ, ജനറൽ സെക്രട്ടറി ആരിഫ് വാഴയിൽ എന്നിവർ ചേർന്ന് ആദരം ഏറ്റുവാങ്ങി.