കാഞ്ചിയാർ: ശ്രീദേവി വിലാസം എൻ.എസ്.എസ് കരയോഗത്തിന്റെ നേതൃത്വത്തിൽ സരസ്വതി വിലാസം വനിതാ സമാജത്തിന്റെയും ഗോകുലം ബാലസമാജത്തിന്റെയും സംയുക്താഭിമുഖ്യത്തിൽ ഓണാഘോഷം സംഘടിപ്പിച്ചു. കാഞ്ചിയാർ കരയോഗ മന്ദിരത്തിൽ നടന്ന ആഘോഷത്തിൽ സമുദായ കുടുംബാംഗങ്ങൾ പങ്കെടുത്തു.കരയോഗം വൈസ് പ്രസിഡന്റ് ശ്രീകുമാർ വിമലവിലാസം സ്വാഗതം ആശംസിച്ചു. കരയോഗം പ്രസിഡന്റ് അരുൺ എൻ. നായർ അധ്യക്ഷത വഹിച്ചു.

തിരുവാതിര, വിവിധ മത്സര ഇനങ്ങൾ, കലാപരിപാടികൾ എന്നിവ ഓണാഘോഷത്തിന് മാറ്റുകൂട്ടി. വിഭവസമൃദ്ധമായ ഓണസദ്യയും ഒരുക്കിയിരുന്നു. മത്സര വിജയികൾക്കുള്ള സമ്മാനവിതരണവും നടന്നു.വനിതാ സമാജം സെക്രട്ടറി ജീജ ഓമനക്കുട്ടൻ കൃതജ്ഞത രേഖപ്പെടുത്തി. കരയോഗം ഭാരവാഹികളും വനിതാ സമാജം, ഗോകുലം ബാലസമാജം പ്രവർത്തകരും പരിപാടികൾക്ക് നേതൃത്വം നൽകി.