ജലസ്രോതസ്സുകളുമായി അടുത്ത ബന്ധമുള്ള കേരളത്തിൽ നീന്തൽ വിനോദം മാത്രമല്ല, ജീവൻ രക്ഷിക്കാനുള്ള അനിവാര്യമായ ജീവിതനൈപുണ്യം കൂടിയാണെന്ന് ആരോഗ്യ കുടുംബക്ഷേമ മന്ത്രി കെ. മുരളീധരൻ. മുങ്ങിമരണ പ്രതിരോധം സംബന്ധിച്ച ഇന്ത്യ–ഓസ്‌ട്രേലിയ സാങ്കേതിക സമിതി യോഗം ഉദ്ഘാടനം ചെയ്യുകയായിരുന്നു മന്ത്രി.

അപകടസാധ്യതയുള്ള ക്വാറികൾ, കനാലുകൾ, നദീതീരങ്ങൾ, തീരപ്രദേശങ്ങൾ എന്നിവിടങ്ങളിൽ സുരക്ഷാ നടപടികൾ ശക്തമാക്കണം. അടിയന്തര പ്രതികരണ സംഘങ്ങൾ, തീരദേശ പൊലീസ്, മത്സ്യത്തൊഴിലാളികൾ എന്നിവരുടെ അനുഭവപരിചയവും പ്രായോഗിക അറിവും രക്ഷാപ്രവർത്തന സംവിധാനങ്ങളിലും സമൂഹാധിഷ്ഠിത പരിശീലന പരിപാടികളിലും പ്രയോജനപ്പെടുത്തണമെന്നും മന്ത്രി പറഞ്ഞു.

സിപിആർ പരിശീലനം വ്യാപിപ്പിക്കുക, ആംബുലൻസ് സേവനങ്ങളുടെ പ്രതികരണശേഷി വർധിപ്പിക്കുക, അടിയന്തര ചികിത്സാ വിഭാഗങ്ങളിൽ ആവശ്യമായ സൗകര്യങ്ങൾ ഉറപ്പാക്കുക എന്നിവ മുങ്ങിമരണങ്ങൾ മൂലമുള്ള ജീവഹാനി കുറയ്ക്കുന്നതിൽ നിർണായകമാണെന്നും മന്ത്രി കൂട്ടിച്ചേർത്തു.