ഹൃദയപൂർവ്വം ഒടിടിയിലേക്ക്; സെപ്റ്റംബർ 26 മുതൽ ജിയോ ഹോട്ട്‌സ്റ്റാറിൽ
Reporter | Kerala Journal തിയേറ്ററുകളിൽ മികച്ച അഭിപ്രായം നേടി മുന്നേറുന്ന സത്യൻ അന്തിക്കാട് – മോഹൻലാൽ ചിത്രം ഹൃദയപൂർവ്വം ഇനി ഒടിടിയിലേക്ക്. ചിത്രം സെപ്റ്റംബർ 26 മുതൽ ജിയോ ഹോട്ട്‌സ്റ്റാറിൽ സ്ട്രീം ചെയ്യും.
ഓഗസ്റ്റ് 28-നാണ് ഓണത്തോടനുബന്ധിച്ച് ചിത്രം തിയേറ്ററുകളിൽ റിലീസ് ചെയ്തത്. കുടുംബ പ്രേക്ഷകർക്ക് ഏറെ ഇഷ്ടപ്പെട്ട സത്യൻ അന്തിക്കാട് – മോഹൻലാൽ കൂട്ടുകെട്ടിന്റെ മറ്റൊരു ശ്രദ്ധേയമായ ഫാമിലി എന്റർടെയ്‌നറായി ഹൃദയപൂർവ്വം മാറിയെന്ന് സമൂഹമാധ്യമങ്ങളിലൂടെയും പ്രേക്ഷകർ പ്രതികരിച്ചു.
മോഹൻലാലിനൊപ്പം സംഗീത് പ്രതാപ്, മാളവിക മോഹനൻ, സിദ്ദിഖ്, സംഗീത മാധവൻ നായർ, ലാലു അലക്‌സ്, ജനാർദ്ദനൻ, ബാബുരാജ് എന്നിവർ പ്രധാന കഥാപാത്രങ്ങളെ അവതരിപ്പിക്കുന്നു.
