ഇടുക്കി റവന്യൂ ജില്ലാ സ്‌കൂള്‍ കലോത്സവം 17 മുതല്‍ 21 വരെ മുരിക്കാശേരി സെന്റ്‌ മേരീസ്‌ ഹയര്‍ സെക്കന്‍ഡറി സ്‌കൂളില്‍
Reporter | Kerala Journal 
കലോത്സവത്തില്‍ ആറായിരത്തോളം വിദ്യാര്‍ഥികള്‍ പങ്കെടുക്കുമെന്ന്‌ ഭാരവാഹികള്‍ പത്രസമ്മേളനത്തില്‍ അറിയിച്ചു. 13 വേദികളിലായി 300 വിവിധ മത്സര ഇനങ്ങള്‍ സംഘടിപ്പിക്കും. കലോത്സവത്തിന്റെ ഘോഷയാത്ര തിങ്കളാഴ്‌ച രാവിലെ 10-ന്‌ മുരിക്കാശേരി ബസ്‌ സ്‌റ്റാന്‍ഡില്‍നിന്നും ജില്ലാ പോലീസ്‌ മേധാവി കെ.എം. സാബു മാത്യു ഫ്‌ളാഗ്‌ ഓഫ്‌ ചെയ്യും.
കലാരൂപങ്ങള്‍, വാദ്യഘോഷങ്ങള്‍, പഞ്ചവാദ്യം, ശിങ്കാരിമേളം, തിരുവാതിര, ഫ്‌ളോട്ടുകള്‍ എന്നിവയടങ്ങുന്ന ഘോഷയാത്ര മുരിക്കാശേരി ടൗണിലൂടെ സഞ്ചരിച്ചു മുഖ്യവേദിയില്‍ സമാപിക്കും. രാവിലെ 11-ന്‌ ജല വിഭവ വകുപ്പ്‌ മന്ത്രി റോഷി അഗസ്‌റ്റിൻ കലോത്സവത്തിന്റെ ഉദ്‌ഘാടനം നിര്‍വഹിക്കും.
ഡീന്‍ കുര്യാക്കോസ്‌ എം.പി അധ്യക്ഷത വഹിക്കും. ഇടുക്കി ജില്ലാ പഞ്ചായത്ത്‌ പ്രസിഡന്റ്‌ രാരിച്ചന്‍ നീര്‍ണാകുന്നേല്‍ മുഖ്യപ്രഭാഷണം പ്രഭാഷണം നടത്തും.
കലോത്സവത്തിന്റെ സമാപന സമ്മേളനം 21 ന്‌ വെകീട്ട്‌ അഞ്ചിന്‌ ജില്ലാ കലക്‌ടര്‍ ദിനേശന്‌ ചെറുവാട്ട്‌ ഉദ്‌ഘാടനം ചെയ്യും. ബ്ലോക്ക്‌ പഞ്ചായത്ത്‌ പ്രസിഡന്റ്‌ ഡോളി സുനില്‍ അധ്യക്ഷത വഹിക്കും
