നെല്ലാപ്പാറ ആനപ്പാറ വളവിൽ റോഡ് റോളർ കയറ്റിയ ലോറി നിയന്ത്രണം വിട്ട് അപകടം
Reporter | Kerala Journal 
നെല്ലാപ്പാറ ആനപ്പാറ വളവിൽ റോഡ് റോളർ കയറ്റി വന്ന ലോറി നിയന്ത്രണം വിട്ട് അപകടമുണ്ടായി. ഇന്നലെ രാത്രി എട്ടോടെയായിരുന്നു സംഭവം. വളവ് തിരിയാതെ നേരെ മുന്നോട്ടു പോയ ലോറി റോഡരുകിലെ മരത്തിൽ ഇടിച്ച് നിൽക്കുകയായിരുന്നു.
സമീപത്തായി വീടുണ്ടായിരുന്നെങ്കിലും ലോറി മരത്തിൽ ഇടിച്ചുനിന്നതിനാൽ വൻ ദുരന്തമാണ് ഒഴിവായത്. ഇടിയുടെ ആഘാതത്തിൽ ലോറിയുടെ ക്യാബിനുള്ളിൽ കുടുങ്ങിയ ഡ്രൈവറെ തൊടുപുഴ അഗ്നിശമനസേന, കരിങ്കുന്നം പൊലീസ്, നാട്ടുകാർ എന്നിവർ ചേർന്ന് ഏറെ നേരത്തെ പരിശ്രമത്തിന് ശേഷമാണ് പുറത്തെടുത്തത്.
ഗുരുതരമായി പരിക്കേറ്റ ഡ്രൈവറെ തൊടുപുഴയിലെ സ്വകാര്യ ആശുപത്രിയിൽ പ്രവേശിപ്പിച്ചു
