ബീന വിനോദിന്റെ 'വാല്മീകം' കവിതാ സമാഹാര പ്രകാശനം ഇന്ന്
Reporter | Kerala Journal 
തേക്കടി: എഴുത്തുകാരി ബീന വിനോദിന്റെ കവിതാസമാഹാരമായ വാല്മീകം പ്രകാശനം ഇന്ന്, ഫെബ്രുവരി 15ന് ഉച്ചയ്ക്ക് 2 മണിക്ക് തേക്കടിയിലെ ബാംബു ഗ്രോവിൽ നടക്കും.
ചടങ്ങിൽ മനോജ് കാട്ടാമ്പള്ളി അധ്യക്ഷത വഹിക്കും. മോബിൻ മോഹൻ പ്രകാശനം നിർവഹിക്കും. ശ്രീനിജ സുജീഷ് പുസ്തകം ഏറ്റുവാങ്ങും.
കവിതാസമാഹാരത്തിന്റെ അവതരണം സാഹിത്യപ്രേമികൾക്കും വായനക്കാർക്കും ഒരു പുതിയ അനുഭവമാകുമെന്ന് സംഘാടകർ അറിയിച്ചു. ചടങ്ങിൽ സാഹിത്യ–സാംസ്കാരിക രംഗത്തെ നിരവധി പേർ പങ്കെടുക്കും.
