കല്ലാർ കവലയ്ക്ക് സമീപം കാർ കൊക്കയിലേക്ക് മറിഞ്ഞു; രണ്ട് പേർ അത്ഭുതകരമായി രക്ഷപ്പെട്ടു
Reporter | Kerala Journal 
പീരുമേട്: കൊല്ലം–തേനി ദേശീയപാതയിൽ പീരുമേട് കല്ലാർ കവലയ്ക്ക് സമീപം കാർ നിയന്ത്രണം വിട്ട് റോഡരികിലെ കൊക്കയിലേക്ക് മറിഞ്ഞു. അപകടത്തിൽപ്പെട്ട എരുമേലി സ്വദേശികളായ രണ്ട് പേർ പരുക്കേൽക്കാതെ അത്ഭുതകരമായി രക്ഷപ്പെട്ടു.
ഇന്നലെ പുലർച്ചെ 5.30 ഓടെയായിരുന്നു അപകടം. തമിഴ്നാട്ടിൽ നിന്ന് എരുമേലിയിലേക്ക് വരികയായിരുന്ന കാറാണ് അപകടത്തിൽപ്പെട്ടത്. കല്ലാർ കവലയ്ക്ക് സമീപത്ത് എത്തിയപ്പോൾ കാർ നിയന്ത്രണം നഷ്ടപ്പെട്ട് റോഡരികിലെ താഴ്ച്ചയിലേക്ക് മറിഞ്ഞുവെന്നാണ് വിവരം.
ഡ്രൈവർ ഉറങ്ങിപ്പോയതാണ് അപകടത്തിന് കാരണമായതെന്നതാണ് പ്രാഥമിക നിഗമനം. വിവരമറിഞ്ഞ് സ്ഥലത്തെത്തിയ പീരുമേട് പൊലീസ് തുടർനടപടികൾ സ്വീകരിച്ചു.
