ജില്ലയിലെ അഞ്ച് നിയോജക മണ്ഡലങ്ങളിലേക്ക് നിയമസഭാ തിരഞ്ഞെടുപ്പിനാവശ്യമായ ഇ.വി.എം വോട്ടിംഗ് യന്ത്രങ്ങളും വി.വി.പാറ്റ് സംവിധാനങ്ങളും വിതരണം ചെയ്തു. ജില്ലാ കളക്ടർ ഡോ. ദിനേശൻ ചെറുവാട്ട് ഇടുക്കി സബ് കളക്ടറും തൊടുപുഴ നിയോജക മണ്ഡലം തിരഞ്ഞെടുപ്പ് വരണാധികാരിയുമായ അനൂപ് ഗാർഗിന് യന്ത്രങ്ങൾ കൈമാറി വിതരണ ഉദ്ഘാടനം നിർവഹിച്ചു.

സർക്കാർ വൊക്കേഷണൽ ഹയർ സെക്കൻഡറി സ്‌കൂൾ, മൂന്നാർ (ദേവികുളം), സെന്റ് സെബാസ്റ്റ്യൻ ഹയർ സെക്കൻഡറി സ്‌കൂൾ, നെടുങ്കണ്ടം (ഉടുമ്പൻചോല), ന്യൂമാൻ കോളേജ്, തൊടുപുഴ (തൊടുപുഴ), ഇ.എം.ആർ.എസ്, പൈനാവ് (ഇടുക്കി), മരിയഗിരി ഇംഗ്ലീഷ് പബ്ലിക് സ്‌കൂൾ, കുട്ടിക്കാനം (പീരുമേട്) എന്നിവിടങ്ങളിലേക്കാണ് യന്ത്രങ്ങൾ എത്തിക്കുന്നത്.

യന്ത്രങ്ങൾ ബന്ധപ്പെട്ട മണ്ഡലങ്ങളിൽ എത്തിച്ച ശേഷം, ഓരോ മെഷീനും ഏത് പോളിങ് ബൂത്തിലേക്കാണെന്ന് നിശ്ചയിക്കുന്നതിനായി മാർച്ച് 31ന് രണ്ടാംഘട്ട റാൻഡമൈസേഷൻ ഇ.വി.എം മാനേജ്മെന്റ് സിസ്റ്റം സോഫ്റ്റ്‌വെയർ വഴി നടത്തും.

മണ്ഡലങ്ങളിലെ യന്ത്രങ്ങളുടെ എണ്ണം (ബാലറ്റ് യൂണിറ്റ് – കൺട്രോൾ യൂണിറ്റ് – വി.വി.പാറ്റ്):

ദേവികുളം: 255 – 255 – 277

ഉടുമ്പൻചോല: 239 – 239 – 259

തൊടുപുഴ: 272 – 272 – 295

ഇടുക്കി: 246 – 246 – 267

പീരുമേട്: 266 – 266 – 288

ഇലക്ഷൻ ഡെപ്യൂട്ടി കളക്ടർ ഷീബാ മാത്യു, ഡെപ്യൂട്ടി കളക്ടർ അതുൽ സ്വാമിനാഥൻ, ഇ.വി.എം നോഡൽ ഓഫീസർ സജീവ് സി.കെ, സീനിയർ സൂപ്രണ്ട് എബി എബ്രഹാം, ഇലക്ഷൻ വിഭാഗം ജീവനക്കാർ എന്നിവർ ചടങ്ങിൽ പങ്കെടുത്തു.