വാഴവര : ഗവ. ഹൈസ്‌കൂളിന്റെ 2026-27 അധ്യയന വർഷത്തേക്കുള്ള അഡ്മിഷൻ ക്യാമ്പയിൻ ഇന്ന് (മെയ് 7) വൈകിട്ട് 5 മണിക്ക് നിർമ്മലാ സിറ്റിയിൽ നടക്കും. പുതുതായി അഡ്മിഷൻ എടുക്കുന്ന വിദ്യാർത്ഥികളെ ജനപ്രതിനിധികൾ സൗജന്യ പഠനോപകരണങ്ങൾ നൽകി സ്വീകരിക്കുന്ന ചടങ്ങും ഇതോടനുബന്ധിച്ച് സംഘടിപ്പിക്കും.

ജീവകാരുണ്യ പ്രവർത്തകനായ റിന്റോ ഇടുക്കിയാണ് പരിപാടിയുടെ സ്പോൺസർ.

ജോയി വെട്ടിക്കുഴി നഗരസഭ ചെയർപേഴ്‌സൺ പരിപാടി ഉദ്ഘാടനം ചെയ്യും. ലീലാമ്മ ബേബി വിദ്യാഭ്യാസ സ്റ്റാന്റിംഗ് കമ്മിറ്റി ചെയർപേഴ്സൺ അധ്യക്ഷത വഹിക്കും. മനോജ് മുരളി മുഖ്യപ്രഭാഷണം നടത്തും.

ജെസ്സി ബെന്നി, സോബി ബേബി, സന്തോഷ് O.N, സുനിജ ശശീന്ദ്രൻ എന്നിവർ വിശിഷ്ടാതിഥികളായി പങ്കെടുക്കും. ജീവകാരുണ്യ പ്രവർത്തകനായ റിന്റോ K.R ചടങ്ങിൽ പങ്കെടുക്കും.