സംസ്ഥാനത്തെ ഏകദേശം 6,000 സർക്കാർ സ്കൂളുകൾക്ക് ലഭ്യമാക്കിയിരുന്ന സൗജന്യ കെ-ഫോൺ (K-FON) ഇന്റർനെറ്റ് സേവനം നിർത്തലാക്കാൻ തീരുമാനം.

കെ-ഫോൺ അധികൃതരുടെ അറിയിപ്പുപ്രകാരം, ഇനി മുതൽ ഒരു സർക്കാർ ഓഫീസിനും സ്ഥാപനത്തിനും സൗജന്യ ഇന്റർനെറ്റ് സേവനം ലഭ്യമാകില്ല. സേവനം തുടരാൻ ബന്ധപ്പെട്ട സ്ഥാപനങ്ങൾ നിശ്ചിത നിരക്കിൽ ബിൽ അടയ്‌ക്കേണ്ടിവരും. ബിൽ അടയ്ക്കുന്ന സ്ഥാപനങ്ങൾക്ക് മാത്രമായിരിക്കും ഇന്റർനെറ്റ് കണക്ഷൻ ലഭ്യമാക്കുക.

ഈ തീരുമാനത്തിന്റെ ഭാഗമായി സർക്കാർ സ്കൂളുകൾ ഉൾപ്പെടെയുള്ള വിവിധ സർക്കാർ സ്ഥാപനങ്ങൾ ഇനി കെ-ഫോൺ സേവനം തുടരാൻ ആവശ്യമായ തുക വകയിരുത്തേണ്ട സാഹചര്യമുണ്ടാകും.

സൗജന്യ സേവനം അവസാനിപ്പിക്കുന്നതുമായി ബന്ധപ്പെട്ട തുടർനടപടികൾ കെ-ഫോൺ അധികൃതർ ബന്ധപ്പെട്ട വകുപ്പുകളെ അറിയിച്ചിട്ടുണ്ടെന്നാണ് വിവരം.