ഇടുക്കി: നേവിയിൽ നിന്ന് വിരമിച്ച വിമുക്തഭടന്മാർക്കും വിമുക്തഭട വിധവകൾക്കുമായി ജില്ലാ സൈനിക ക്ഷേമ ഓഫീസിന്റെ ആഭിമുഖ്യത്തിൽ സമ്പർക്ക പരിപാടി സംഘടിപ്പിക്കുന്നു.

ഹെഡ് ക്വാർട്ടേഴ്സ്, സതേൺ നേവൽ കമാൻഡിൽ നിന്നുള്ള പ്രതിനിധികൾ പങ്കെടുക്കുന്ന പരിപാടി ആഗസ്റ്റ് 20-ന് രാവിലെ 11 മുതൽ ഉച്ചയ്ക്ക് 1.30 വരെ തൊടുപുഴയിലെ ഇടുക്കി ജില്ലാ സൈനിക ക്ഷേമ ഓഫീസിൽ നടക്കും. ഇടുക്കി ജില്ലയിൽ സ്ഥിരതാമസക്കാരായ നേവിയിൽ നിന്ന് വിരമിച്ച വിമുക്തഭടന്മാർക്കും വിമുക്തഭട വിധവകൾക്കും പരിപാടിയിൽ പങ്കെടുക്കാം.

പുതിയ ക്ഷേമ പദ്ധതികൾ, പെൻഷൻ, പരാതി പരിഹാരം തുടങ്ങിയ വിഷയങ്ങളിൽ നാവികസേനാ പ്രതിനിധികളുമായി നേരിട്ട് ആശയവിനിമയം നടത്താനും സംശയങ്ങൾക്ക് മറുപടി ലഭിക്കാനും അവസരമുണ്ടാകും.കൂടുതൽ വിവരങ്ങൾക്ക്: 04862 222904.