ഇടുക്കിയുടെ മലയോര മേഖലയിൽ മഴ കനക്കുന്നു;അടിമാലിയിൽ ശക്തമായ മഴ
Reporter | Kerala Journal 
അടിമാലി: ഇടുക്കിയുടെ മലയോര മേഖലയിൽ മഴ ശക്തമായി തുടരുന്നു. അടിമാലിയിലും പരിസര പ്രദേശങ്ങളിലും അതിശക്തമായ മഴയാണ് അനുഭവപ്പെടുന്നത്. മഴയെ തുടർന്ന് താഴ്ന്ന പ്രദേശങ്ങളിൽ വെള്ളം കയറി.
നേര്യമംഗലം വനമേഖലയിലും ശക്തമായ മഴ തുടരുകയാണെന്ന് റിപ്പോർട്ടുകളും വരുന്നുണ്ട് . മഴ ശക്തമായതോടെ മലയോര റോഡുകളിൽ മണ്ണിടിച്ചിലിനുള്ള സാധ്യതയും കൂടുതലാണ്.
മലയോര മേഖലകളിൽ താമസിക്കുന്നവർ ജാഗ്രത പാലിക്കണമെന്നും മണ്ണിടിച്ചിൽ സാധ്യതയുള്ള പ്രദേശങ്ങളിലേക്ക് അനാവശ്യ യാത്രകൾ ഒഴിവാക്കണമെന്നും നിർദേശമുണ്ട്.
