ഇടുക്കി: പട്ടികവർഗ വിഭാഗത്തിൽനിന്നും മികച്ച നേട്ടം കൈവരിച്ച് ഡോക്ടറായി സേവനരംഗത്തേക്ക് എത്തിയ ഡോ. ശരണ്യ മോഹന് സർക്കാർ ആരോഗ്യവകുപ്പിൽ നിയമനം. ഇടുക്കി ജില്ലയിലെ പിന്നാക്ക വിഭാഗങ്ങളിൽനിന്നുള്ള വിദ്യാർത്ഥികൾക്ക് അഭിമാനമായി മാറിയാണ് ഡോ. ശരണ്യ മോഹൻ ഉപ്പുതറ CHC ആശുപത്രിയിലെ അസി. സർജനായി നിയമനം നേടിയത്.

പട്ടികവർഗ വിഭാഗത്തിൽനിന്നും മെഡിക്കൽ വിദ്യാഭ്യാസം പൂർത്തിയാക്കി സർക്കാർ ആരോഗ്യ സേവന രംഗത്തേക്ക് പ്രവേശിക്കുന്ന അപൂർവ നേട്ടമാണ് ഡോ. ശരണ്യ കൈവരിച്ചിരിക്കുന്നത്. ജില്ലയിലെ ഗോത്രവിഭാഗങ്ങൾക്കിടയിൽ ആരോഗ്യരംഗത്ത് പ്രവർത്തിക്കാനും മാതൃകയാകാനും നിയമനം വഴിയൊരുക്കും. ജില്ലാ കലക്ടർ ഉൾപ്പെടെ ശരണ്യയുടെ ഈ നേട്ടത്തിന് അഭിനന്ദനങ്ങളുമായി എത്തിയിട്ടുണ്ട്