കോട്ടയം: ബിസിഎം കോളജ് ഓട്ടോണമസിലെ പൂർവവിദ്യാർഥി സംഘടനയായ ബീംസിന്റെ ആഭിമുഖ്യത്തിൽ ബീംസ് ഡേ പൂർവവിദ്യാർഥി സംഗമം സംഘടിപ്പിച്ചു. പൂർവവിദ്യാർഥിയും ഗായികയുമായ ഡോ. ബിനീത രഞ്ജിത്ത് മുഖ്യാതിഥിയായി.

കോളജിൽ സേവനമനുഷ്ഠിച്ചവരിൽ കഴിഞ്ഞ ഒരു വർഷത്തിനിടെ അന്തരിച്ചവരെ ചടങ്ങിൽ അനുസ്മരിച്ചു. ബിസിഎം പഠനത്തിന്റെ സുവർണ, രജത ജൂബിലികൾ ആഘോഷിക്കുന്ന 1976, 2001 ബാച്ചുകളിലെ പൂർവവിദ്യാർഥികളെ ചടങ്ങിൽ ആദരിച്ചു.

കലാപരിപാടികൾ, അനുഭവങ്ങൾ പങ്കുവെക്കൽ, വിദ്യാർഥി-അധ്യാപക സംഗമം എന്നിവയും സംഘടിപ്പിച്ചു.

മാനേജർ ഫാ. ഏബ്രഹാം പറമ്പേട്ട്, ബിസിഎം ബീംസ് എക്സിക്യൂട്ടീവ് കമ്മിറ്റി അംഗങ്ങളായ ജിഷ ഷാജി, അനുത ഭാസ്കർ, റോസമ്മ ഫിലിപ്പ്, പ്രിൻസിപ്പൽ പ്രഫ. ഡോ. കെ.വി. തോമസ്, ബർസാർ ഫാ. ഫിൽമോൻ കളത്ര, വൈസ് പ്രിൻസിപ്പൽ ഡോ. അന്നു തോമസ് എന്നിവർ പ്രസംഗിച്ചു.