സോമൻ ടി.വി. ഇടുക്കി ജില്ലാ പ്രോജക്ട് കോ-ഓർഡിനേറ്ററായി ചുമതലയേറ്റു
Reporter | Kerala Journal 
ഇടുക്കി: സമഗ്ര ശിക്ഷാ കേരള (SSK) ഇടുക്കി ജില്ലാ പ്രോജക്ട് കോ-ഓർഡിനേറ്ററായി (DPC) കമ്പ്യൂട്ടർ അധ്യാപകനും ACT ഇടുക്കി ജില്ലാ പ്രസിഡന്റുമായ സോമൻ ടി.വി. ചുമതലയേറ്റു.
സമഗ്ര ശിക്ഷാ കേരള പദ്ധതിയുടെ ജില്ലാതല പ്രവർത്തനങ്ങളുടെ നടത്തിപ്പിനും ഏകോപനത്തിനുമുള്ള സുപ്രധാന ഭരണനിർവഹണ ചുമതലയാണ് ജില്ലാ പ്രോജക്ട് കോ-ഓർഡിനേറ്ററുടേത്.
കമ്പ്യൂട്ടർ അധ്യാപക സമൂഹത്തിന് അഭിമാനകരമായ നേട്ടമാണ് സോമൻ ടി.വിയുടെ പുതിയ ചുമതല. ഗണിതശാസ്ത്രത്തിൽ ബിരുദാനന്തര ബിരുദമുള്ള അദ്ദേഹം വിദ്യാഭ്യാസ മേഖലയിലെ പ്രവർത്തനങ്ങൾക്ക് നേതൃത്വം നൽകിവരികയാണ്.
