വൈക്കം മറവൻതുരുത്തിൽ എക്സൈസിന്റെ ‘ഓപ്പറേഷൻ തണ്ടർ’; 76 ലഹരി മിഠായികളുമായി പ്രായപൂർത്തിയാകാത്ത രണ്ടുപേർ പിടിയിൽ
Reporter | Kerala Journal 
വൈക്കം: എക്സൈസ് വകുപ്പിന്റെ ‘ഓപ്പറേഷൻ തണ്ടർ’ പരിശോധനയുടെ ഭാഗമായി മറവൻതുരുത്ത് ചുങ്കം ഭാഗത്ത് നടത്തിയ റെയ്ഡിൽ 76 ലഹരി മിഠായികളുമായി പ്രായപൂർത്തിയാകാത്ത രണ്ടുപേർ പിടിയിൽ. 405 ഗ്രാം തൂക്കം വരുന്ന 76 ലഹരി മിഠായികൾ ഇവരിൽ നിന്ന് കണ്ടെത്തിയതായി എക്സൈസ് അറിയിച്ചു.
എക്സൈസ് ഇൻസ്പെക്ടർ പ്രമോദ് ടി.എയുടെ നേതൃത്വത്തിലായിരുന്നു പരിശോധന. അസിസ്റ്റന്റ് എക്സൈസ് ഇൻസ്പെക്ടർ ഗ്രേഡ് സൈജു ഡി., പ്രിവന്റീവ് ഓഫീസർ ഗ്രേഡ് ശ്യാംകുമാർ എസ്., അഭിലാഷ് കെ.എം., വനിതാ സിവിൽ എക്സൈസ് ഓഫീസർമാരായ സുമിതാമോൾ പി.എസ്., സബിത കെ.കെ., സിയാദ് എസ്. എന്നിവർ റെയ്ഡിൽ പങ്കെടുത്തു.
