കട്ടപ്പന: കേന്ദ്ര സർക്കാരിന്റെ വിദ്യാഭ്യാസ അഴിമതിക്കും തൊഴിൽനിഷേധത്തിനുമെതിരെ ‘ഉണരണം ഇന്ത്യ, പൊരുതണം യുവത’ എന്ന മുദ്രാവാക്യമുയർത്തി ഡി.വൈ.എഫ്.ഐ കട്ടപ്പന ബ്ലോക്ക് കമ്മിറ്റിയുടെ നേതൃത്വത്തിൽ പുളിയൻമലയിൽ ‘യങ് ഇന്ത്യ’ ക്യാമ്പയിൻ സംഘടിപ്പിച്ചു.

ഡി.വൈ.എഫ്.ഐ സംസ്ഥാന ജോയിന്റ് സെക്രട്ടറി രമേഷ് കൃഷ്ണൻ ക്യാമ്പയിൻ ഉദ്ഘാടനം ചെയ്തു. ബ്ലോക്ക് പ്രസിഡന്റ് എം. ശിവകുമാർ അധ്യക്ഷത വഹിച്ചു.

ബ്ലോക്ക് സെക്രട്ടറി നിയാസ് അബു, ജില്ലാ കമ്മിറ്റിയംഗം ആതിര ശ്രീകുമാർ, നേതാക്കളായ സെബിൻ തോമസ്, ലിജോ ജോസ്, ഇ. ബെഞ്ചമിൻ എന്നിവർ സംസാരിച്ചു. വിദ്യാഭ്യാസ മേഖലയിലെ പ്രശ്നങ്ങൾക്കും യുവാക്കൾ നേരിടുന്ന തൊഴിൽ പ്രതിസന്ധികൾക്കും പരിഹാരം കാണാൻ ശക്തമായ യുവജന ഇടപെടൽ ആവശ്യമാണെന്ന് നേതാക്കൾ പറഞ്ഞു.