പുളിയൻമല: എസ്.എൻ.ഡി.പി. യോഗം പുളിയൻമല ശാഖയുടെ നേതൃത്വത്തിൽ ശ്രീനാരായണ മാസാചരണത്തിന് തുടക്കമായി. ചിങ്ങം ഒന്ന് മുതൽ കന്നി 5 വരെ വിപുലമായ പരിപാടികളോടെയാണ് മാസാചരണം സംഘടിപ്പിക്കുന്നത്.

ഗുരുദേവ ഭാഗവത പാരായണം, ശാന്തിയാത്രകൾ, ആത്മീയ പ്രഭാഷണങ്ങൾ, ചതയം–സമാധി ദിനാചരണം തുടങ്ങിയ വിവിധ പരിപാടികൾ മാസാചരണത്തിന്റെ ഭാഗമായി നടക്കും.

ബലേഷ് വി.പി. വാകവയലിന്റെ വീട്ടിൽ നടന്ന ഗുരുദേവ ഭാഗവത പാരായണത്തിന്റെയും ശ്രീനാരായണ മാസാചരണത്തിന്റെയും ഉദ്ഘാടനം മലനാട് യൂണിയൻ പ്രസിഡന്റ് ബിജു മാധവൻ നിർവഹിച്ചു. ശാഖാ പ്രസിഡന്റ് പ്രവീൺ വട്ടമല അധ്യക്ഷനായി.

യൂണിയൻ വൈസ് പ്രസിഡന്റ് വിധു എ. സോമൻ മുഖ്യപ്രഭാഷണം നടത്തി. ശാഖാ സെക്രട്ടറി എം.ആർ. ജയൻ, വൈസ് പ്രസിഡന്റ് മോഹനൻ പാറയ്ക്കൽ, യൂണിയൻ കമ്മിറ്റി അംഗം ഇ.എ. ഭാസ്കരൻ, വനിതാ സംഘം പ്രസിഡന്റ് രാധാമണി കൃഷ്ണൻകുട്ടി, കുമാരി സംഘം പ്രസിഡന്റ് അമോലിക സിനു എന്നിവർ സംസാരിച്ചു.