ഇരട്ടയാർ: കൃഷിവകുപ്പിന്റെ നേതൃത്വത്തിൽ സംഘടിപ്പിക്കുന്ന “ഓണസമൃദ്ധി കർഷക ഓണച്ചന്ത 2026” ഓഗസ്റ്റ് 22 മുതൽ 25 വരെ ഇരട്ടയാർ കൃഷിഭവൻ അങ്കണത്തിൽ നടക്കും. കർഷകരിൽ നിന്ന് നേരിട്ട് ഉപഭോക്താക്കളിലേക്ക് ഗുണമേന്മയുള്ള പച്ചക്കറികൾ എത്തിക്കുക എന്ന ലക്ഷ്യത്തോടെയാണ് ഓണച്ചന്ത സംഘടിപ്പിക്കുന്നത്.

പൊതു ചില്ലറ വിപണി വിലയേക്കാൾ 30 ശതമാനം വരെ വിലക്കുറവിൽ പച്ചക്കറികൾ ഇവിടെ ലഭ്യമാകും.

ഓണച്ചന്തയുടെ ഉദ്ഘാടനം ഓഗസ്റ്റ് 22 ശനിയാഴ്ച രാവിലെ 11.30ന് ഇരട്ടയാർ ഗ്രാമപഞ്ചായത്ത് പ്രസിഡന്റ് രജനി കെ. എ. നിർവഹിക്കും. ജനപ്രതിനിധികൾ, കാർഷിക വികസന സമിതി അംഗങ്ങൾ, ക്ലസ്റ്റർ-വിപണി അംഗങ്ങൾ, കർഷക മിത്രങ്ങൾ എന്നിവർ ചടങ്ങിൽ പങ്കെടുക്കും.

ഓണാഘോഷത്തിന്റെ ഭാഗമായി കർഷകരുടെ ഉൽപ്പന്നങ്ങൾക്ക് മികച്ച വിപണി ഒരുക്കുന്നതിനൊപ്പം ഉപഭോക്താക്കൾക്ക് ഗുണമേന്മയുള്ള പച്ചക്കറികൾ കുറഞ്ഞ വിലയിൽ ലഭ്യമാക്കുകയാണ് ഓണച്ചന്തയുടെ ലക്ഷ്യം.